லைஃப்ஸ்டைல்
மாலை நேர ஸ்நாக்ஸ் காலிஃப்ளவர் பக்கோடா
மாலை வேளையில் டீ, காபியுடன் காலிஃப்ளவர் இருந்தால், அதனைக் கொண்டு பக்கோடா செய்து சாப்பிடுங்கள் சுவையாக இருக்கும்.
தேவையான பொருட்கள்:
காலிஃப்ளவர் - பெரிய பூ 1
உப்பு - தேவையான அளவு
இஞ்சி பூண்டு பேஸ்ட் - 1 டேபிள் ஸ்பூன்
மிளகாய் தூள் - 1 டீஸ்பூன்
எலுமிச்சை சாறு - சுவைக்கேற்ப
கடலை மாவு - 1/2 கப்
அரிசி மாவு - 1/4 கப்
சோள மாவு - 2 டேபிள் ஸ்பூன்
பேக்கிங் பவுடர் - 1/2 டீஸ்பூன்
எண்ணெய் - பொரிப்பதற்கு தேவையான அளவு
செய்முறை:
* காலிஃப்ளவரை துண்டுகளாக நறுக்கி சூடு நீரில் சிறிது உப்பு போட்டு அதில் காலிஃப்ளவரை போட்டு 15 நிமிடம் வைக்கவும்.
* ஒரு பாத்திரத்தில் கடலை மாவு, அரிசி மாவு, சோள மாவு, பேக்கிங் பவுடர், எலுமிச்சை சாறு, மிளகாய் தூள், இஞ்சி பூண்டு பேஸ்ட், உப்பு சேர்த்து அதனுடன் சிறிது தண்ணீர் தெளித்து பஜ்ஜி மாவு பதத்தில் கலந்து கொள்ள வேண்டும்.
* ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்றிக் கொள்ள வேண்டும்.
* எண்ணெய் சூடானதும், அதில் காலிஃப்ளவரைப் மாவில் முக்கி எடுத்து எண்ணெயில் போட்டு பொன்னிறமாக பொரித்து எடுத்தால், சுவையான காலிஃப்ளவர் பக்கோடா ரெடி!!!
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.