மாலை நேர ஸ்நாக்ஸ் பயத்தம் பருப்பு தயிர் போண்டா

பயத்தம் பருப்பு - 1 கப்

உளுத்தம் பருப்பு - 1/2 கப்

பச்சை மிளகாய் - 4 

இஞ்சி - ஒரு சிறு துண்டு

சீரகம் - 1 டீஸ்பூன்

உப்பு - தேவைக்கேற்றவாறு

தயிர் - 3 கப் அல்லது தேவைக்கேற்றவாறு

வெங்காயம் - 2

மிளகாய்த்தூள் - 1/2 டீஸ்பூன்

எண்ணெய் - பொரிப்பதற்கு தேவையான அளவு

* வெங்காயத்தை பொடியாக நறுக்கி கொள்ளவும்.

* பயத்தம் பருப்பு, உளுத்தம் பருப்பு இரண்டையும் 2 மணி நேரம் ஊற வைத்து நன்றாக கழுவி தண்ணீரை ஒட்ட வடித்து விட்டு, அத்துடன் பச்சை மிளகாய், இஞ்சி, சீரகம், உப்பு ஆகியவற்றைச் சேர்த்து, நன்றாக அரைத்தெடுக்கவும்.

*அரைத்த மாவில் பொடியாக நறுக்கி வெங்காயத்தை போட்டு நன்றாக கலந்து கொள்ளவும்.

* ஒரு அகன்ற பாத்திரத்தில் 5 அல்லது 6 கப் தண்ணீரை விட்டு, கொதிக்க வைத்து, இறக்கி வைக்கவும்.

* ஒரு வாணலியில் எண்ணெய் விட்டு சூடானதும் கையை தண்ணீரில் நனைத்துக் கொண்டு, எலுமிச்சம் பழ அளவு மாவை எடுத்து எண்ணெயில் போடவும். 

* எண்ணெய் கொள்ளுமளவிற்கு 4 அல்லது 5 போண்டாவைப் போட்டு பொன்னிறமாக பொரித்தெடுத்து, கொதிக்க வைத்துள்ள வென்னீரில் போடவும். போண்டா வென்னீரில் ஊறி சற்று மிருதுவானவுடன், ஒரு கரண்டியால் எடுத்து, இலேசாக பிழிந்து விட்டு, ஒரு தட்டில் பரவலாக அடுக்கி வைக்கவும். 

* தயிரை நன்றாகக் கடைந்து விட்டு, சிறிது உப்பைச் சேர்த்துக் கலக்கி, போண்டாவின் மேல் ஊற்றவும். அதன் மேல் மிளகாய்த்தூளைத் தூவி பரிமாறவும்.

* சுவையான மாலை நேர ஸ்நாக்ஸ் பயத்தம் பருப்பு தயிர் போண்டா ரெடி.