மசாலா முட்டை புர்ஜி செய்வது எப்படி

தேவையான பொருட்கள் :

முட்டை - 4
தக்காளி - 2
வெங்காயம் - 2
ப.மிளகாய் - 2
இஞ்சி - 1 துண்டு
கொத்தமல்லி - சிறிதளவு
தக்காளி சாஸ் - 2 ஸ்பூன்
கரம் மசாலா - அரை ஸ்பூன்
மிளகாய் தூள் - 1 ஸ்பூன்
மஞ்சள் தூள் - அரை சிட்டிகை
சாட் மசாலா - 1 ஸ்பூன்
உப்பு, எண்ணெய் - தேவையான அளவு

செய்முறை :

* தக்காளி, வெங்காயம், ப.மிளகாய், இஞ்சி, கொத்தமல்லியை பொடியாக நறுக்கி கொள்ளவும்.

* முட்டையை ஒரு கிண்ணத்தில் ஊற்றி நன்றாக அடித்து கொள்ளவும்.

* அடுப்பில் கடாய் வைத்து எண்ணெய் ஊற்றி சூடானதும் வெங்காயம், ப.மிளகாய் போட்டு நன்றாக வதக்கவும்.

* வெங்காயம் நன்கு வதங்கிய பின்னர் இஞ்சி சேர்த்து வதக்கி தக்காளி, கொத்தமல்லியை சேர்த்து நன்றாக வதக்கவும்.

* அடுத்து அதில் மிளகாய் தூள், மஞ்சள் தூள், சேர்த்து வதக்கிய பின் தக்காளி சாஸ் சேர்த்து நன்றாக கிளறவும்.

* இப்போது உப்பு சேர்த்து கிளறிய பிறகு முட்டையை ஊற்றி நன்றாக கிளறவும் (அடுப்பை மிதமான தீயில் வைக்கவும்).

* முட்டை நன்றாக வெந்து உதிரியாக வரும் போது கரம் மசாலா தூள் தூவி இறக்கவும்.

* இந்த  முட்டை புர்ஜியை தோசை, சாண்விச், சப்பாத்தியுடன் சாப்பிட நன்றாக இருக்கும்.

* டயட்டில் இருப்பவர்கள் முட்டையின் வெள்ளைக்கருவை மட்டும் சேர்த்து செய்து சாப்பிடலாம். மற்றவர்கள் மஞ்சள் கருவுடன் சேர்த்து சமைக்கலாம்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.