கிருஷ்ண ஜெயந்தி ஸ்பெஷல்: ரவா லட்டு

தேவையான பொருட்கள் :

ரவை - 1 கப்
நெய் - 5 ஸ்பூன்
சர்க்கரை - 1/2 கப்
ஏலக்காய் பொடி- 1/4 ஸ்பூன்
திராட்சை- 10
முந்திரி - 10
பால் - 1/4 கப்

செய்முறை :

* கடாயில் நெய்யை ஊற்றி சூடானதும் அதில் முந்திரி திராட்சையை போட்டு வறுத்து தனியே எடுத்துவைக்கவும்.

* அதே நெய்யில் ரவையை போட்டு நன்றாக வறுத்துகொள்ளவும். ரவை பச்சை வாடை போகும் வரை வறுக்கவும்.

* அடுத்து அதில் ரவையில் வறுத்த முந்திரி திராட்சை, ஏலக்காய் பொடி, பொடித்த சர்க்கரை சேர்த்து கலக்கவும்.

* இந்த கலவையில் பாலை சிறிது சிறிதாக ஊற்றி கலக்கவும்.

* அதை சிறு சிறு உருண்டைகளாக பிடித்து வைக்கவும்.

* சுவையான ரவா லட்டு ரெடி.

குறிப்பு:

* உருண்டை பிடிக்கும் அளவுக்கு பால் ஊற்றினால் போதும்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.