சமையல்
வெஜிடபிள் ஊத்தாப்பம்

உடலுக்கு தேவையான ஆற்றலை தரும் வெஜிடபிள் ஊத்தாப்பம்

Published On 2021-12-01 05:53 GMT   |   Update On 2021-12-01 05:53 GMT
சுவையாகவும், அதே சமயம் சத்து நிறைந்ததாகவும் ஒரு காலை உணவை சாப்பிட விரும்புகிறீர்களா? அப்படியானால் அதற்கு வெஜிடபிள் ஊத்தாப்பம் சிறந்த தேர்வாக இருக்கும்.
வெஜிடபிள் ஊத்தாப்பத்தில் பலவகையான காய்கறிகள் சேர்ப்பதால், அதில் வைட்டமின்கள், கனிமச்சத்துக்கள் போன்றவை அதிகம் நிறைந்திருக்கும். இதை காலை வேளையில் சாப்பிடும் போது, அந்நாளுக்குத் தேவையான ஆற்றல் உடலுக்கு கிடைக்கும்.

தேவையான பொருட்கள்:

தோசை மாவு - தேவையான அளவு
பொடியாக நறுக்கிய வெங்காயம் - 2 டேபிள் ஸ்பூன்
பொடியாக நறுக்கிய குடைமிளகாய் - 2 டேபிள் ஸ்பூன்
பொடியாக நறுக்கிய தக்காளி - 1 டேபிள் ஸ்பூன்
பொடியாக நறுக்கிய கேரட் - 2 டேபிள் ஸ்பூன்
பொடியாக நறுக்கிய பச்சை மிளகாய் - 1
கொத்தமல்லி - 1 டேபிள் ஸ்பூன்

செய்முறை:


* ஒரு பௌலில் வெங்காயம், குடைமிளகாய், தக்காளி, கேரட், பச்சை மிளகாய், கொத்தமல்லி ஆகியவற்றை எடுத்து கலந்து கொள்ள வேண்டும்.

* தோசைக்கல்லை அடுப்பில் வைத்து சூடானதும், அதில் எண்ணெய் தடவி ஒரு கரண்டி தோசை மாவை ஊற்றி, பெரிய வட்டமாக சுற்றாமல், ஓரளவு மொத்தமாக சுற்றிக் கொள்ளவும்.

* பிறகு அதன் மேல் சிறிது வெஜிடபிளைத் தூவி, எண்ணெய் ஊற்றி, ஒரு மூடி கொண்டு 2 நிமிடம் மூடி வைத்து குறைவான தீயில் வேக வைக்கவும்.

* பின் தோசையை திருப்பிப் போட்டு லேசாக தோசை கரண்டியால் அழுத்தி விட்டு, 2 நிமிடம் வேக வைத்து எடுத்தால், வெஜிடபிள் ஊத்தாப்பம் தயார்.

இந்த வெஜிடபிள் ஊத்தாப்பத்திற்கு தேங்காய் சட்னி மிகவும் அற்புதமாக இருக்கும்.
Tags:    

Similar News