லைஃப்ஸ்டைல்
ஸ்வீட் காரன் சுண்டல்

நார்ச்சத்து நிறைந்த சத்தான ஸ்நாக்ஸ் சாப்பிடலாமா?

Published On 2021-05-10 05:27 GMT   |   Update On 2021-05-10 05:27 GMT
சோளத்தை பச்சையாகவோ அல்லது வேக வைத்தோ சாப்பிடுவதால் நார்ச்சத்து நமக்கு முழுமையாக கிடைக்கின்றது. இன்று சோளத்தில் சுண்டல் செய்வது எப்படி என்று பார்க்கலாம்.
தேவையான பொருட்கள்

ஸ்வீட் காரன் - 1
பொடியாக நறுக்கிய கேரட்  - 2 மேஜைக்கரண்டி
துருவிய தேங்காய் - 2 மேஜைக்கரண்டி
உப்பு - தேவையான அளவு

தாளிக்க

எண்ணெய் - 1 தேக்கரண்டி
கடுகு - 3/4 தேக்கரண்டி
உளுத்தம் பருப்பு - 1 தேக்கரண்டி
சிகப்பு மிளகாய் - 1
கறிவேப்பிலை - 1 கொத்து
பெருங்காயம் - 2 சிட்டிகை

செய்முறை

ஸ்வீட் கார்னை உரித்து, உப்பு சேர்த்து வேகவைத்துக் கொள்ளவும்.

ஒரு கடாயில், என்ணெய் ஊற்றி சூடானதும் தாளிக்க கொடுக்கப்பட்டுள்ள பொருட்களை சேர்த்து தாளித்த பின்னர் கேரட்டை சேர்த்து வதக்கவும்.

பிறகு வேகவைத்த சோளத்தை சேர்த்து 1 நிமிடம் வதக்கவும்.

தண்ணீர் சுண்டியவுடன் துருவிய தேங்காய் சேர்த்து இறக்கவும்.

சத்தான ஸ்வீட் காரன் சுண்டல் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News