லைஃப்ஸ்டைல்
சின்ன வெங்காய கொத்தமல்லி துவையல்

சின்ன வெங்காய கொத்தமல்லி துவையல்

Published On 2020-04-29 05:33 GMT   |   Update On 2020-04-29 05:33 GMT
கேழ்வரகு தோசை, கம்பு தோசை போன்ற தோசை வகைகளுக்கு இந்தச் சின்ன வெங்காய கொத்தமல்லி துவையல் அற்புதமாக இருக்கும். இன்று இந்த துவையல் செய்முறையை பார்க்கலாம்.
தேவையான பொருட்கள்:     

சின்ன வெங்காயம் - 50 கிராம்,  
கறிவேப்பிலை - ஒரு கொத்து
புதினா - ஒரு கைப்பிடி
காய்ந்த மிளகாய் - 12,  
கல் உப்பு - தேவையான அளவு.



செய்முறை:  

புதினா, கொத்தமல்லியை நன்றாக கழுவி பொடியாக நறுக்கி கொள்ளவும்.

சின்ன வெங்காயத்தை தோலுரித்து நன்றாகக் கழுவிக்கொள்ளவும்.

ஒரு சிறிய பாத்திரத்தில் ஒரு கப் தண்ணீரைச் சூடாக்கவும்.

பின்னர் அதில் உறித்த சின்ன வெங்காயம்,  புதினா, கொத்தமல்லி, காய்ந்த மிளகாய் சேர்த்து, அடுப்பை மிதமான தீயில் வைத்து வேகவிடவும். வெங்காயம் லேசாக நிறம் மாறியதும் அடுப்பை அணைத்துவிடவும்.

வேக வைத்தவற்றை நன்கு ஆறவிடவும்.

மிக்ஸி ஜாரில் கல் உப்பு, வேகவைத்த வெங்காய கலவையை போட்டு நன்கு அரைத்துக்கொள்ளவும்.

அரைத்த விழுதைச் சிறிய கிண்ணத்துக்கு மாற்றிக்கொள்ளவும்.

சத்தான சுவையான சின்ன வெங்காய கொத்தமல்லி துவையல் ரெடி.

குறிப்பு:     சின்ன வெங்காயம், காய்ந்த மிளகாயைச் சிறிது நேரம் கொதிக்க வைத்து, பின் துவையலாக அரைக்கும்போது வெங்காயத்தில் உள்ள நெடி குறைந்து சுவையாக இருக்கும்.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News