ஆரோக்கியமான, சுவையான முருங்கைக்கீரை ரசம்

Published On 2020-04-15 05:50 GMT | Update On 2020-04-15 05:50 GMT

முருங்கைக்கீரையில் அதிகளவு சத்துக்கள் நிறைந்துள்ளது. இன்று இந்த கீரையை வைத்து சத்தான ரசம் செய்வது எப்படி என்று பார்க்கலாம்.

தேவையான பொருட்கள்

முருங்கைக்கீரை - அரை கப்
தக்காளி - ஒன்று
எலுமிச்சை - ஒன்று
மஞ்சள் தூள் - கால் தேக்கரண்டி
பெருங்காயத் தூள் - ஒரு சிட்டிகை
உப்பு - தேவையான அளவு

அரைக்க:

பூண்டு - 3 பற்கள்
சீரகம் - அரை தேக்கரண்டி
கறிவேப்பிலை - 2 இணுக்கு
பச்சை மிளகாய் - ஒன்று
கொத்தமல்லித் தழை (காம்புடன்) - சிறிது

தாளிக்க:

எண்ணெய், கடுகு, கறிவேப்பிலை

காய்ந்த மிளகாய் - ஒன்று

செய்முறை :

தக்காளியை பொடியாக நறுக்கி கொள்ளவும்.

முருங்கைக்கீரையை நன்றாக சுத்தம் செய்து ஒரு கப் தண்ணீர் ஊற்றி வேக வைத்தெடுக்கவும்.

பிறகு அரைக்கக் கொடுத்துள்ளவற்றை கொரகொரப்பாக அரைத்துக் கொள்ளவேண்டும்.

ஒரு பாத்திரத்தில் எண்ணெய் ஊற்றி தாளிக்கக் கொடுத்துள்ள பொருட்களைத் தாளித்து, அரைத்த விழுதைச் சேர்த்து வதக்கவும்

பின்பு அத்துடன் தூள் வகைகளைச் சேர்க்கவும்.

பிறகு நறுக்கிய தக்காளியைச் சேர்த்து வதக்கவேண்டும் .

பிறகு தக்காளி குழைய வதங்கியதும் முருங்கைக்கீரையை வேக வைத்த நீருடன் சேர்த்து, தேவையான அளவு சுடு நீர் ஊற்றி எலுமிச்சை சாறு பிழிந்துவிடவேண்டும்

நுரை பொங்கி வரும் போது உப்பு சேர்த்து ஒரு கொதிவரவிட்டு இறக்கவும்.

ஆரோக்கியமான, சுவையான முருங்கைக்கீரை ரசம் தயார்

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.