உடலுக்கு குளிர்ச்சி தரும் கேழ்வரகு வெங்காய ரொட்டி

தேவையான பொருட்கள்:

கேழ்வரகு  மாவு - 1 கப்,
பெரிய வெங்காயம் - 2,
பச்சை மிளகாய் - 3,
கறிவேப்பிலை, கொத்தமல்லி தழை - தேவைக்கேற்ப,
மிளகாய்வற்றல் - 3,
எண்ணெய் - 1 டேபிள்ஸ்பூன்,
உப்பு - தேவைக்கேற்ப,
தண்ணீர் - தேவைக்கேற்ப.

தாளிப்பதற்கு…

கடுகு - அரை டீஸ்பூன்,
உளுத்தம் பருப்பு - 1 டீஸ்பூன்,

செய்முறை:

வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

ஒரு பாத்திரத்தில் கேழ்வரகு மாவை போட்டு அதனுடன் உப்பு சேர்த்து தண்ணீர் விட்டு சிறிது இளக்கமாகப் பிசையவேண்டும்.

வாணலியில் எண்ணெய் விட்டு கடுகு, உளுத்தம் பருப்பு தாளித்து வெங்காயம், ப. மிளகாய், மிளகாய் வற்றல், கறிவேப்பிலை, கொத்தமல்லி சேர்த்து நன்றாக பச்சை வாசனை போகும் வரை வதக்கவும்.

வதக்கிய பொருள்களை கேழ்வரகு மாவுடன் சேர்த்து பிசைந்து 10 நிமிடங்கள் வைக்கவும்.

தோசைக்கல்லை அடுப்பில் வைத்து சூடானதும் எண்ணெய் தடவி மாவை கையில் எடுத்து, கல்லில் தட்டி இரு புறமும் எண்ணெய் விட்டு பொன்னிறமாக சுட்டு எடுக்க வேண்டும்.

சூப்பரான கேழ்வரகு வெங்காய ரொட்டி ரெடி.

எவ்வளவு அதிகம் வெங்காயம் போடப்படுகிறதோ அந்த அளவுக்கு வாசனையும் சுவையும் நன்றாக இருக்கும்.