பேரீச்சம்பழ நட்ஸ் ரோல்

தேவையான பொருட்கள் :

பேரீச்சம்பழம் - 10
முந்திரி - 10
மைதா - 100 கிராம்
பொடித்த சர்க்கரை - 100 கிராம்
பேக்கிங் பவுடர் - கால் டீஸ்பூன்
வெண்ணெய் - 100 கிராம்

செய்முறை:

பேரீச்சம்பழத்தை கொட்டை நீக்கி அதனுள் முந்திரிப் பருப்பை சேர்த்து பொடித்து வைத்துக்கொள்ளவும்.

சர்க்கரையையும், வெண்ணெயையும் பிசைந்து கொள்ளவும்.

பின்பு அதனுடன் மைதாவை சிறிது சிறிதாக சேர்த்து பிசைந்து சிறு உருண்டைகளாக உருட்டிக்கொள்ளவும்.

உருண்டைகளின் நடுவில் கட்டைவிரல் பதியும்படி அழுத்திக்கொள்ளவும்.

அந்த இடத்தில் முந்திரி, பேரீச்சம் பழ துண்டு கலவையை வைத்து மூடவும்.

பின்பு உருண்டைகளை மைக்ரோ ஓவனில் அரை மணி நேரம் வேக வைக்கவும்.