லைஃப்ஸ்டைல்

புரோட்டீன்கள் நிறைந்த பாசிப்பருப்பு கொசம்பரி

Published On 2019-05-07 05:02 GMT   |   Update On 2019-05-07 05:02 GMT
பாசிப்பருப்பு கொசம்பரி ரெசிபி கர்நாடக மக்களின் புகழ்பெற்ற சாலட் ரெசிபி ஆகும். இது புரோட்டீன்கள் நிறைந்த சாலட் இன்று இந்த ரெசிபி செய்முறையை பார்க்கலாம்.
தேவையான பொருட்கள் :

பாசி பருப்பு - 200 கிராம்
வெள்ளரிக்காய் - பாதி
கேரட்  - 1
கிளி மூக்கு மாம்பழம் (நறுக்கியது) - 1/4 கப்
தேங்காய் துருவல்  - 2 டேபிள் ஸ்பூன்
இஞ்சி - சிறிய துண்டு
பச்சை மிளகாய் - 1
ஆயில் - 1 டேபிள் ஸ்பூன்
கடுகு - 1 டேபிள் ஸ்பூன்
பெருங்காயம் - 1/4 டேபிள் ஸ்பூன்
கறிவேப்பிலை - தேவையான அளவு
லெமன் - பாதி
உப்பு - தேவைக்கேற்ப
கொத்தமல்லி இலைகள் (நறுக்கியது) - 1 டேபிள் ஸ்பூன்



செய்முறை :

பாசிப்பருப்பை நன்றாக கழுவி ஊறவைக்கவும்.

வெள்ளரிக்காயை தோல் நீக்கி பொடியாக நறுக்கி கொள்ளவும்.

இஞ்சி, கேரட்டை தோல் நீக்கி துருவிக்கொள்ளவும்.

மாங்காய், ப.மிளகாய், கொத்தமல்லியை பொடியாக நறுக்கி கொள்ளவும்.

ஒரு பெளலில் ஊற வைத்த பாசி பருப்பை போட்டு அதனுடன் நறுக்கிய வெள்ளரிக்காய், கேரட், மாம்பழம் போன்றவற்றையும் சேர்த்து கலந்து கொள்ளவும்.

அடுத்து அதில் தேங்காய் துருவல், இஞ்சி மற்றும் பச்சை மிளகாய் இவற்றை சேர்த்து நன்றாக கலக்கவும்.

அடுப்பில் கடாயை வைத்து எண்ணெய் ஊற்றி காய்ந்ததும் கடுகு போட்டு வெடித்ததும் கறிவேப்பிலை, பெருங்காயம் போட்டு தாளித்து பாசிப்பருப்பு கலவையில் சேர்த்து நன்றாக கலக்கவும்.

அடுத்து கொஞ்சம் லெமன் ஜூஸ், உப்பு சேர்த்து நன்றாக கலக்க வேண்டும்

கடைசியாக கொத்தமல்லி இலைகளை மேலே தூவி மறுபடியும் நன்றாக கலந்து பரிமாறவும்.

சூப்பரான சத்தான பாசிப்பருப்பு கொசம்பரி ரெடி.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News