லைஃப்ஸ்டைல்
ராஜ்மாவில் அதிகளவு சத்துக்கள் நிறைந்துள்ளது. சத்தான சுவையான ராஜ்மா அடை செய்வது எப்படி என்று பார்க்கலாம்.
தேவையான பொருட்கள் :
புழுங்கல் அரிசி - ஒரு கப்,
ராஜ்மா - அரை கப்,
இஞ்சி - சிறு துண்டு,
பாசிப்பருப்பு - ஒரு கப்,
உளுத்தம்பருப்பு - 2 டீஸ்பூன்,
பச்சை வேர்க்கடலை - ஒரு கப்,
மிளகு - 2 டேபிஸ்பூன்,
நறுக்கிய வெங்காயம் - ஒரு கிண்ணம்,
எண்ணெய், உப்பு - தேவையான அளவு.
செய்முறை :
* அரிசியுடன் ராஜ்மா சேர்த்து 2 மணி நேரம் ஊற வைக்கவும்.
* நன்றாக ஊறியதும், தண்ணீர் வடித்து இஞ்சி, மிளகு சேர்த்து அரைக்கவும்.
* பாசிப்பருப்பு, வேர்க்கடலை, உளுத்தம்பருப்பையும் ஊறவைத்து தனியாக அரைத்து எல்லா மாவையும் சேர்க்கவும்.
* அடுத்து அதில் உப்பு, நறுக்கிய வெங்காயம் சேர்த்து நன்றாக கலந்து வைக்கவும்.
* தோசை கல்லை அடுப்பில் வைத்து சூடானதும் அடுப்பை மிதமான தீயில் வைத்து மாவை அடை தட்டி,
சுற்றி சிறிது எண்ணெய் ஊற்றி வெந்ததும் திருப்பி போட்டு எடுக்கவும்.
* மிகவும் சத்து நிறைந்தது இந்த ராஜ்மா அடை.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.