உடல் சூட்டை குறைக்கும் வெள்ளரிக்காய் மோர்

தேவையான பொருட்கள் :

தயிர் - 100 மில்லி
கறிவேப்பிலை, கொத்தமல்லித்தழை - சிறிதளவு
வெள்ளரிக்காய் - சிறியது 1
உப்பு - தேவையான அளவு
தண்ணீர் - 200 மில்லி

செய்முறை :

* வெள்ளரிக்காயை தோல் நீக்கி துருவிக் கொள்ளவும்.

* கறிவேப்பிலை, கொத்தமல்லித்தழையை பொடியாக நறுக்கி கொள்ளவும்.

* வெண்ணெய் நீக்கிய தயிரில் தண்ணீர் விட்டு நன்கு அடித்து கலக்கவும்.

* பின்னர் அதில் பொடியாக நறுக்கிய கறிவேப்பிலை, கொத்தமல்லித்தழை, துருவிய வெள்ளரி, தேவையான அளவு உப்பு சேர்த்து நன்கு கலக்கவும்.

* சுவையான வெள்ளரி மோர் ரெடி. புளிக்கும் முன்பே சுவைக்கவும்.

குறிப்பு :

தண்ணீர் சேர்த்த தயிரை மிக்ஸியில் (அ) பிளன்டரில் நன்றாக அடித்துக் கொள்ளவும். மோர் உடலின் சூட்டைக் குறைக்கும்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.