லைஃப்ஸ்டைல்
சப்போட்டா

சத்துக்கள் நிறைந்த ‘சப்போட்டா’

Published On 2021-09-19 03:25 GMT   |   Update On 2021-09-19 03:25 GMT
சப்போட்டா, நார்ச்சத்து கொண்டது. 100 கிராம் பழத்தில் 5.6 கிராம் நார்ச்சத்து உள்ளது. சப்போட்டாவில் உள்ள நார்ப்பொருட்கள் புற்று நோயை கட்டுப்படுத்துவதிலும் பங்கு வகிக்கின்றன.
சப்போட்டா காயாக இருக்கும்போது வெளிப்படும் பால் போன்ற வேதிப்பொருள் தான் டேனின். இது சிறந்த நோய் எதிர்ப்பு பொருள்.

வெப்பமண்டல கனிகளில் பரவலாக சாப்பிடப்படும் பழ வகை, சப்போட்டா. மத்திய அமெரிக்காவை தாயகமாகக் கொண்ட சப்போட்டா, மெக்சிகோ, பெலிசி போன்ற மழைக்காடு பகுதிகளில் மிகுதியாக வளர்கிறது. இந்தியா, இலங்கை, இந்தோனேசியா, மலேசியா போன்ற வெப்ப மண்டல நாடுகளிலும் அதிகமாக விளைகிறது.

சப்போட்டா, நார்ச்சத்து கொண்டது. 100 கிராம் பழத்தில் 5.6 கிராம் நார்ச்சத்து உள்ளது. இவை எளிதில் ஜீரணம் ஆகக்கூடியது. சப்போட்டாவில் உள்ள நார்ப்பொருட்கள் புற்று நோயை கட்டுப்படுத்துவதிலும் பங்கு வகிக்கின்றன.

சப்போட்டா பழத்தில் வைட்டமின்-சி அதிக அளவில் உள்ளது. 100 கிராம் பழத்தில் 24.5 சதவீதம் ‘வைட்டமின்-சி’ கிடைக்கிறது. தீங்கு தரும் பிரீ-ரேடிக்கல்களை நீக்குவதிலும், நோய்த் தொற்று ஏற்படாமல் காப்பதிலும் ‘வைட்டமின்-சி’ யின் பங்கு மகத்தானது.

அத்தியாவசிய வைட்டமின் ஆன, வைட்டமின்-ஏ குறிப்பிட்ட அளவில் காணப்படுகிறது. இதுபோக பொட்டாசியம், தாமிரம், இரும்பு போன்ற தாதுக்களும், போலேட், நியாசின், பான்டோதெனிக் ஆசிட் போன்றவையும் உள்ளன.
Tags:    

Similar News