மலச்சிக்கல், நாள்பட்ட வாயு பிரச்சனைக்கு தீர்வு தரும் ஆசனம்

பாலாசனா எனப்படும் இந்த ஆசனம் சிசு நிலை என்றும் அழைக்கப்படுகிறது. கீழே மண்டியிட்டு உட்கார்ந்து கொண்டு முழங்காலுக்கு கீழ் மற்றும் கணுக்காலுக்கு மேலுள்ள காலின் முன் பகுதி தரையில் இருக்குமாறு வைத்து கொள்ள வேண்டும். கால் கட்டை விரல்கள் இரண்டும் தொட்டு கொண்டு இருக்கும்படி வைத்து குதி கால்களின் மீது உட்கார வேண்டும். இரு கைகளும் பக்கவாட்டிலேயே இருக்கட்டும். மூச்சை வெளியே விட்டபடி தொடைகளுக்கிடையே உடலை கொண்டு வர வேண்டும்.

இது ஒரு குழந்தை நிலை போன்ற ஆசனம் ஆகும். இடுப்பு, தொடைகள் மற்றும் கணுக்கால் தசைகளை நீட்டிக்க உதவுகிறது.

மூச்சை உள்ளே வெளியே என ஆழமாக சுவாசியுங்கள். இப்படியே கொஞ்ச நேரம் இருங்கள். இது மலச்சிக்கல் மற்றும் நாள்பட்ட வாயு பிரச்சனைக்கு சிறந்தது.

30 விநாடிகள் இந்த பயிற்சியில் ஈடுபடுவது நல்லது. 15 நொடிகளுக்கு பின்னர் மீண்டும் இந்தப் பயிற்சியை மேற்கொள்ளலாம்.