வில்லியனூரில் புனித லூர்து அன்னை புதிய ஆலயம் திறப்பு விழா

புதுவை வில்லியனூரில் உள்ள புனித லூர்து அன்னை ஆலய (மாதா கோவில்) வளாகத்தில் ரூ.6 கோடி செலவில் புதிய ஆலயம் கட்ட முடிவு செய்யப்பட்டது. இதை தொடர்ந்து கடந்த 2011-ம் ஆண்டு கட்டுமானபணிகள் தொடங்கின.

இந்த பணிகள் நிறைவடைந்ததை தொடர்ந்து புதிய ஆலய திறப்பு விழா நேற்று முன் தினம் இரவு நடந்தது. புதுவை-கடலூர் மறை மாவட்ட பேராயர் அந்தோணி ஆனந்தராயர் தலைமை தாங்கி புதிய ஆலயத்தை திறந்து வைத்தார்.

முன்னாள் பேராயர் மைக்கேல் அகஸ்டின் முன்னிலைவகித்தார். விழாவில் முதல்-அமைச்சர் நாராயணசாமி, அமைச்சர் நமச்சிவாயம் ஆகியோர் கலந்து கொண்டு விழா மலரை வெளியிட்டனர். விழாவில் ஏராளமானோர் கலந்து கொண்டனர். விழா ஏற்பாடுகளை பங்கு தந்தை ரிச்சர்டு செய்திருந்தார்.