லைவ் அப்டேட்ஸ்: நியூசிலாந்தை பழி தீர்த்தது இந்தியா- 70 ரன்கள் வித்தியாசத்தில் அபார வெற்றி

நியூசிலாந்து அணிக்கு ரிவேஞ்ச் கொடுத்த இந்தியா. 70 ரன்கள் வித்தியாசத்தில் வெற்றி பெற்று இறுதிப்போட்டிக்கு தகுதி பெற்றது. முகமது சமியின் அசத்தல் பந்து வீச்சால் 7 விக்கெட்டுகளை கைப்பற்றினார்.

கடைசி விக்கெட்டையும் முகமது சமி வீழ்த்தினார். இதன் மூலம் 7 விக்கெட்டுகளை கைப்பற்றியுள்ளார். 

முகமது சமி பந்து வீச்சில் செளதீ 9 ரன்களில் அவுட் ஆனார்.

அதிரடியாக விளையாடி அணியை வெற்றி பாதைக்கு அழைத்து சென்ற மிட்செல் 134 ரன்களில் முகமது சமி பந்து வீச்சில் ஆட்டமிழந்தார்.

300 ரன்களை குவித்து நியூசிலாந்து அதிரடியாக விளையாடி வருகிறது. மிட்செல் 132 ரன்களுடன் களத்தில் உள்ளார்.

குல்தீப் யாதவ் ஓவரில் 2 ரன்னில் சாப்மேன் ஆட்டமிழந்தார்.

அதிரடியாக விளையாடிய பிலிப்ஸ் 41 ரன்களில் பும்ரா பந்து வீச்சில் அவுட் ஆனார்.

நியூசிலாந்து அணி 4 விக்கெட்டுகளை மட்டுமே இழந்து 250 ரன்கள் எடுத்து விளையாடி வருகிறது.

ஒரே ஓவரில் 2 விக்கெட்டுகளை முகமது சமி வீழ்த்தினார். வில்லியம்சன் 69 ரன்னிலும் லாதம் 0 ரன்னிலும் ஆட்டமிழந்தனர்.

அதிரடியாக விளையாடிய மிட்செல் சதம் அடித்து அசத்தினார்.