சினிமா
அரவிந்த்ராஜ் இயக்கத்தில் ஜெ.எம்.பஷீர் இயக்கத்தில் உருவாகி வரும் தேசிய தலைவர் படத்தின் முன்னோட்டம்.
பசும்பொன் முத்துராமலிங்க தேவரின் வாழ்க்கை வரலாறு 'தேசிய தலைவர்' என்ற பெயரில் திரைப்படமாக உருவாக உள்ளது. ட்ரென்ட்ஸ் சினிமாஸ் மற்றும் எம்டி சினிமாஸ் நிறுவனங்களின் சார்பில், இந்தப்படத்தை ஜெ.எம்.பஷீர் மற்றும் ஏ.எம்.சௌத்ரி இணைந்து தயாரிக்கின்றனர்.
தேவர் கதாபாத்திரத்தில் ஜெ.எம்.பஷீர் நடிக்கிறார்.. இஸ்லாமியரான இவர் விரதமிருந்து தேவராக வேடமிட்டு நடிக்கிறார். கதாபாத்திரத்துக்கு பொருத்தமாக இருந்ததால் அவரை தேர்வு செய்து இருப்பதாக படக்குழுவினர் தெரிவித்துள்ளனர். மேலும் மகாத்மா காந்தி, நேரு, பெரியார் உள்ளிட்ட பல தலைவர்கள் கதாபாத்திரங்களுக்கும் நடிகர்கள் தேர்வு செய்யப்பட்டு உள்ளனர்.
இசைஞானி இளையராஜா இசையமைக்கும் இந்த படத்தை, 'ஊமை விழிகள்', 'உழவன் மகன்', 'கருப்பு நிலா' என விஜயகாந்த் நடித்த வெற்றி படங்களை தந்த அரவிந்தராஜ் இயக்குகிறார்.