'ருத்ரன்'படப்பிடிப்பு தளத்தில் தன் தம்பிகளை சந்தித்த ராகவா லாரன்ஸ்

நடன இயக்குனர், நடிகர், இயக்குனர் என பன்முகத்தன்மை கொண்ட ராகவா லாரன்ஸ் தற்போது நடித்திருக்கும் படம் ருத்ரன். இப்படத்தின் மூலம் ஃபைவ் ஸ்டார் கதிரேசன் இயக்குனராக அறிமுகமாகிறார். இதில் சரத்குமார், பிரியா பவானி சங்கர், பூர்ணிமா பாக்யராஜ் உள்ளிட்ட பலர் முக்கிய கதாபாத்திரங்களில் நடித்திருக்கின்றனர். ஜி.வி.பிரகாஷ் இசையமைக்கும் இப்படத்திற்கு ஆர்.டி.ராஜசேகர் ஒளிப்பதிவு செய்கிறார்.

ராகவா லாரன்ஸ்

தமிழ், தெலுங்கு, இந்தி, கன்னடம் மற்றும் மலையாள மொழிகளில் உருவாகும் இந்தப் படத்தின் முதல் மற்றும் இரண்டாம் தோற்ற போஸ்டர் கடந்த சில மாதங்களுக்கு முன் வெளியாகி வைரலானது. மேலும் இப்படத்தின் கிளிம்ஸ் வீடியோவையும் படக்குழு வெளியிட்டு ரசிகர்களை கவர்ந்தது.

ருத்ரன் படப்பிடிப்பு தளம்

இதைத்தொடர்ந்து சமீபத்தில் இப்படத்தில் முதல் பாடல் வெளியானது. இந்நிலையில், 'ருத்ரன்' படப்பிடிப்பு தளத்தில் நடிகர் ராகவா லாரன்ஸ் ஊனமுற்றோர்களை சந்தித்துள்ளார். இது தொடர்பான புகைப்படத்தை தனது சமூக வலைதளப்பக்கத்தில் பகிர்ந்துள்ள அவர், "ருத்ரன் படப்பிடிப்பு தளத்தில் என் தம்பிகளை சந்தித்ததில் மகிழ்ச்சி" என்று குறிப்பிட்டுள்ளார். 

நடிகர் ராகவா லாரன்ஸ் ஊனமுற்றோர்களுக்காக பல உதவிகளை செய்து வருகிறார் என்பது குறிப்பிடத்தக்கது.