வீடியோவை பகிர்ந்த தனுஷ்.. கொண்டாடும் ரசிகர்கள்

யாரடி நீ மோகினி', 'குட்டி', 'உத்தமபுத்திரன்' படங்களை இயக்கிய மித்ரன் ஜவஹர் இயக்கத்தில் உருவாகி உள்ள திருச்சிற்றம்பலம் படத்தில் தனுஷ் நடித்துள்ளார். இப்படத்தில் நித்யா மேன‌ன், பிரியா பவானி சங்கர், ராஷி கன்னா, பிரகாஷ்ராஜ், இயக்குனர் பாரதிராஜா உள்ளிட்ட பல முன்னணி பிரபலங்கள் நடித்துள்ளனர். இப்படத்தை சன் பிக்சர்ஸ் நிறுவனம் தயாரித்திருக்கிறது. இந்த படத்தின் படப்பிடிப்பு முடிந்து தொழில்நுட்ப பணிகள் நடைபெற்று வருகின்றன.

நீண்ட இடைவேளைக்கு பிறகு திருச்சிற்றம்பலம் படத்தின் கதாபாத்திரம் அறிமுக போஸ்டர் வெளியாகும் என படக்குழு அறிவித்திருந்தது. அதன்படி, அனுஷாவாக ராஷி கண்ணாவும், ரஞ்சனியாக பிரியா பவானி சங்கரும், ஷோபனாவாக நித்யா மேனனும், நீலகண்டனாக பிரகாஷ் ராஜும் போன்ற கதாப்பாத்திரத்தில் நடித்துள்ளதாக படக்குழு அறிவித்திருந்தது.

தற்போது தனுஷ் நடித்துள்ள கதாப்பாத்திர அறிமுகம் வீடியோவாக வெளியாகி வைரலாகி வருகிறது. இதனை தனுஷ் அவருடைய சமூக வலைத்தளப் பக்கத்தில் பகிர்ந்துள்ளார். பெரும் எதிர்ப்பார்ப்பில் உருவாகி வரும் இப்படத்தின் அறிவிப்பை ரசிகர்கள் கொண்டாடி வருகின்றனர்.