ஆர்யா
- இயக்குனர் சக்தி சௌந்தர் ராஜன் இயக்கத்தில் ஆர்யா நடித்திருக்கும் படம் கேப்டன்.
- இப்படத்தின் புதிய அப்டேட் வெளியாகியுள்ளது.
டெடி மற்றும் சார்ப்பட்டா பரம்பரை படங்களின் வெற்றியைத் தொடர்ந்து, ஆர்யா நடித்துள்ள திரைப்படம் 'கேப்டன்'. டெடி திரைப்படத்திற்குப் பிறகு ஆர்யா-சக்தி சௌந்தர் ராஜன் ஜோடி மீண்டும் இணைந்து செயல்படுவதால், இப்படம் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.
இந்த படத்தில் சிம்ரன், ஐஸ்வர்யா லக்ஷ்மி, ஹரீஷ் உத்தமன், காவ்யா ஷெட்டி உள்ளிட்டோர் முக்கிய கதாபாத்திரத்தில் நடித்திருக்கின்றனர். 'கேப்டன்' திரைப்படத்தை திங்க் ஸ்டுடியோஸ் நிறுவனம், நடிகர் ஆர்யாவின் தி ஷோ பிபுள் நிறுவனத்துடன் இணைந்து தயாரிக்கின்றது.
கேப்டன் போஸ்டர்
இப்படத்தின் தமிழக வெளியீட்டு உரிமையை ரெட் ஜெயண்ட் மூவீஸ் நிறுவனம் பெற்றுள்ளது. 'கேப்டன்' படத்தின் ஃபர்ஸ்ட்லுக் போஸ்டர் ரசிகர்களிடையே நல்ல வரவேற்பை பெற்றது. இந்நிலையில், இப்படத்தின் புதிய அப்டேட் வெளியாகியுள்ளது.
அதன்படி, இப்படத்தின் ஃபர்ஸ்ட் சிங்கிள் ஜூலை 25-ஆம் தேதி மாலை 7 மணிக்கு வெளியாகும் என படக்குழு போஸ்டர் ஒன்றை வெளியிட்டு அறிவித்துள்ளது.
#CaptainFirstSingle releasing on July 25th at 7PM! 👏🥁@arya_offl @ShaktiRajan @Udhaystalin @SimranbaggaOffc #AishwaryaLekshmi @immancomposer @madhankarky @tkishore555 @ThinkStudiosInd #TheShowPeople @thinkmusicindia pic.twitter.com/n1Vy1jOaiI
— Red Giant Movies (@RedGiantMovies_) July 23, 2022