கவனம் ஈர்க்கும் ஆர்.ஜே.பாலாஜியின் 'எங்க டாடி செம்ம கேடி' பாடல்

பாலிவுட்டில் ஆயுஷ்மான் குர்ரானா நடிப்பில் வெளியாகி வெற்றி பெற்ற படம் பதாய் ஹோ. இப்படம் தமிழில் ரீமேக் செய்யப்பட்டுள்ளது. வீட்ல விசேஷம் என பெயரிடப்பட்டுள்ள இப்படத்தை என்.ஜே.சரவணனுடன் இணைந்து நடிகர், இயக்குனர், கிரிக்கெட் வர்ணனையாளர் என பன்முக திறமை கொண்ட ஆர்.ஜே.பாலாஜி இயக்கியுள்ளார். சத்யராஜ், அபர்ணா பாலமுரளி, ஊர்வசி ஆகியோர் முக்கிய கதாபாத்திரத்தில் நடித்துள்ள இப்படத்தை போனி கபூர் தயாரித்துள்ளார்.

வீட்ல விசேஷம்

சில தினங்களுக்கு முன்பு 'வீட்ல விசேஷம்' படத்தின் டிரைலர் ஐபிஎல் பிளே ஆப் போட்டியின் இடையில் வெளியிடப்பட்டு அனைவரின் கவத்தையும் ஈர்த்தது. இப்படம் வருகிற ஜூன் 17ம் தேதி வெளியாக உள்ளது. இந்நிலையில் 'வீட்ல விசேஷம்' திரைப்படத்தின் 'டாடி சாங்' வீடியோ பாடல் வெளியாகியுள்ளது. கிரிஷ் மற்றும் ஆர்.ஜே.பாலாஜி குரலில் வெளிவந்துள்ள இப்பாடல் பலரின் கவனத்தை ஈர்த்து சமூக வலைத்தளங்களில் வைரலாகி வருகிறது.