சினிமா
தமிழில் பல படங்களில் நடித்து பிரபலமான நடிகர் ஜெய், தான் நடித்து வரும் புதிய படத்திற்காக ரோபோட்ஸ்களுடன் சண்டை போட்டு இருக்கிறார்.
ராகுல் பிலிம்ஸ் சார்பில் கே.திருக்கடல் உதயம் தயாரிப்பில், ஜெய் நடிப்பில் மிக பிரமாண்டமாக உருவாகி வரும் திரைப்படம் ‘பிரேக்கிங் நியூஸ்’. ரோபோடிக்ஸ் டெக்னாலஜி மற்றும் அனிமேஷனை மையமாக வைத்து எடுக்கப்படும் இப்படத்தில் கதாநாயகியாக பானுஸ்ரீ, சினேகன், பழ.கருப்பையா, தயாரிப்பாளர் அழகிய தமிழ்மணி, தேவ்கில், ராகுல் தேவ் உள்ளிட்ட பலர் நடிக்கின்றனர்.
அதிக பொருட்செலவில் கிராபிக்ஸ் காட்சிகள் மட்டுமே நிறைந்த இப்படத்தில் ஜெய் ரோபோட்ஸ்களுடன் சண்டைபோடும் காட்சிகள் எடுக்கப்பட்டு விஷுவல் எபெக்ட்ஸ் வேலைகள் நடந்துக்கொண்டு இருப்பதாக படத்தின் இயக்குனர் ஆண்ட்ரூ பாண்டியன் தெரிவித்துள்ளார்.
இயக்குனருடன் ஜெய்
சமீபத்தில் நடந்த படப்பிடிப்பில் ஐந்தாயிரம் துணை நடிகர்களோடு, பிக்பாஸ் சினேகன் போராட்டக்களத்தில் போராளியாக நடித்துள்ளார். இறுதிகட்ட வேலைகள் தீவிரமாக நடந்துகொண்டிருக்கும் நிலையில், இப்படத்தின் டிரைலரை விரைவில் வெளியிட படக்குழுவினர் முடிவு செய்துள்ளனர்.