சினிமா
2வது திருமணம் செய்கிறாரா மேக்னா ராஜ்?
நடிகை மேக்னா ராஜ், பிக் பாஸ் பிரபலத்தை இரண்டாவதாக திருமணம் செய்துக் கொள்ளவிருப்பதாக செய்திகள் வெளியாகியுள்ளது.
பிரபல கன்னட நடிகர் சிரஞ்சீவி சார்ஜா தனது கர்ப்பிணி மனைவி மேக்னா ராஜ் மற்றும் பிற குடும்ப உறுப்பினர்களை தவிக்க விட்டு கடந்த ஆண்டு ஜூன் 7-ஆம் தேதி மாரடைப்பால் உயிரிழந்தார். இவரது மறைவு செய்தி திரையுலகினர் மத்தியில் அதிர்ச்சியை ஏற்படுத்தியது.
சிரஞ்சீவி சார்ஜா மறைவிற்குப் பிறகு, சில தினங்களில் மேக்னாவுக்கு ஆரோக்கியமான ஆண் குழந்தை பிறந்தது. ஜூனியர் சிரஞ்சீவிக்கு ராயன் ராஜ் சர்ஜா எனப் பெயரிடப்பட்டது. குழந்தைக்கு பெயர் சூட்டு விழாவில் எடுக்கப்பட்ட புகைப்படங்கள் சமூக வலைதளங்களில் வெளியாகி வைரலானது.
இந்நிலையில் மேக்னா இரண்டாவது திருமணம் செய்ய முடிவு செய்துள்ளதாகவும், பிக்பாஸ் சீசன் 4 கன்னட டைட்டில் வின்னர் பிரதமை தனது வருங்கால கணவராக தேர்ந்தெடுத்ததாகவும் செய்திகள் பரவி வந்தது. ஆனால், பிக்பாஸ் போட்டியாளர் பிரதம் இதற்கு மறுப்பு தெரிவித்து இருக்கிறார்.