சினிமா
கேஜிஎஃப் 2 படத்தின் ஆடியோ உரிமையை ரூ.7 கோடிக்கு கைப்பற்றிய பிரபல நிறுவனம்
இந்திய அளவில் பெரிய எதிர்பார்ப்பை ஏற்படுத்தி இருக்கும் கேஜிஎஃப் 2 படத்தின் ஆடியோ உரிமையை பிரபல நிறுவனம் கைப்பற்றியுள்ளது.
கடந்த 2018-ஆம் ஆண்டு வெளியான 'கேஜிஎஃப்' முதல் பாகம் வெற்றி பெற்றதால், தற்போது 'கேஜிஎஃப் 2' இரண்டாம் பாகத்தை எடுத்து முடித்துள்ளார் இயக்குநர் பிரஷாந்த் நீல். யாஷ், ஸ்ரீநிதி ஷெட்டி, சஞ்சய் தத், பிரகாஷ் ராஜ், ரவீனா டாண்டன் உள்ளிட்டோர் நடித்துள்ள இப்படத்தின் டீசர் சமீபத்தில் வெளியாகி பெரும் வரவேற்பையும் சாதனைகளையும் செய்தது.
கேஜிஎஃப் 2 படக்குழுவினர்
இந்த நிலையில், இன்று 'கேஜிஎஃப் 2' படத்தின் 6 பாடல்கள் கொண்ட தென்னிந்திய ஆடியோ உரிமையை லஹரி மியூசிக் நிறுவனம் 7 கோடியே 20 லட்சத்திற்கு வாங்கியுள்ளது. இதை படக்குழுவினர் அதிகாரபூர்வமாக வெளியிட்டுள்ளனர்.