சினிமா
இயக்குனர் திருமணம்... நேரில் சென்று வாழ்த்திய சந்தானம்
பல படங்களில் காமெடி வேடங்களில் நடித்து தற்போது முன்னணி நடிகராக வலம் வந்து கொண்டிருக்கும் சந்தானம், இயக்குனரின் திருமணத்திற்கு நேரில் சென்று வாழ்த்தி இருக்கிறார்.
சந்தானம் நடிப்பில் தற்போது உருவாகி வரும் படம் டிக்கிலோனா. இப்படத்தை கார்த்திக் யோகி என்பவர் இயக்கி உள்ளார். கார்த்திக் யோகிக்கும் மணமகள் வினி ஷாமுக்கும் நேற்று முன் தினம் திருச்சியில் திருமணம் நடந்தது.
திருமணத்தில், நடிகர் சந்தானம் நேரில் கலந்துகொண்டு வாழ்த்து தெரிவித்தார். நடிகர்கள் காளி வெங்கட், கண்ணன் ரவி (மண்டேலா பட நடிகர்), வத்ஸன் (எங்கேயும் எப்போதும்) ஆகியோரும் நேரில் வாழ்த்து தெரிவித்தனர்.
மணமக்களை வாழ்த்திய காளி வெங்கட்
மேலும், கேஜேஆர் ஸ்டூடியோஸ் நிறுவனர் கே.ஜே.ஆர் ராஜேஷ், கிளாப் போர்டு சத்யா மற்றும் டிக்கிலோனா திரைப்படத்தின் ஒட்டுமொத்த குழுவினரும் மணமக்களை வாழ்த்தினர்.