சினிமா
ஆர்யா - விஷால் படத்தின் புதிய அப்டேட்
அவன் இவன் படத்திற்குப் பிறகு ஆர்யா - விஷால் இணைந்து நடித்து வரும் எனிமி படத்தின் புதிய தகவல் வெளியாகியுள்ளது.
இருமுகன் படத்தை இயக்கிய ஆனந்த் சங்கர் இயக்கத்தில் விஷால் - ஆர்யா இணைந்து நடித்துள்ள படம் எனிமி. இவர்களுடன் மம்தா மோகன்தாஸ், மிருணாளினி, பிரகாஷ்ராஜ், கருணாகரன் ஆகியோரும் முக்கிய வேடங்களில் நடித்துள்ளார்கள்.
இப்படத்தின் படப்பிடிப்புகள் முடிந்து தற்போது இறுதிக்கட்ட பணிகள் நடைபெற்று வருகிறது. இந்நிலையில் எனிமி படத்தின் டீசர் ஜூன் 20ஆம் தேதி வெளியாகும் என்று தகவல்கள் வெளியாகி உள்ளது. விரைவில் அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.