சினிமா
பிறந்தநாளை முன்னிட்டு ஜி.வி.பிரகாஷ் ரசிகர்கள் செய்த நற்செயல்கள்
இசையமைப்பாளர், நடிகர் ஜிவி.பிரகாஷின் பிறந்த நாளுக்கு அவரது ரசிகர் மன்றத்தினர் பல்வேறு நலத்திட்ட உதவிகளை செய்து இருக்கிறார்கள்.
தமிழ் சினிமாவில் முன்னணி இசையமைப்பாளராகவும் நடிகராகவும் இருப்பவர் ஜிவி.பிரகாஷ். இவர் தனது பிறந்தநாளை நேற்று கொண்டாடினார். இவருக்கு பலரும் வாழ்த்துகளை தெரிவித்து இருந்தார்கள்.
ஜி.வி.பிரகாஷ் ரசிகர் மன்றத்தின் சார்பாக தமிழ்நாடு முழுவதும் கொரானா கட்டுப்பாடுகளை பின்பற்றி ஏழை எளிய மக்களுக்கும், முதியோர் இல்லங்களுக்கும், ஆதரவற்ற இல்லங்களுக்கும் உணவுகள், உடைகள் வழங்கினர்.
ஆதரவற்ற முதியோர்கள்
மேலும் பொது மக்களுக்கு தேவையான அத்தியாவசிய பொருட்களான அரிசி, மளிகை சாமான்கள், பழங்கள், காய்கறிகள் வழங்கியும் மரக் கன்றுகளை கொடுத்தும், அதனை நட்டும் ஜி.வி.பிரகாஷ்குமார் பிறந்த நாளை ரசிகர் மன்றத்தினர் சிறப்பாக கொண்டாடினர்.