கமலின் ‘விக்ரம்’ படத்தில் சுருதிஹாசன்?

நடிகர் கமலின் 232 வது படம் ‘விக்ரம்’. கமலின் சொந்த தயாரிப்பு நிறுவனமான ராஜ்கமல் பிலிம்ஸ் தயாரிக்கும் இப்படத்தை லோகேஷ் கனகராஜ் இயக்குகிறார். அனிருத் இப்படத்திற்கு இசையமைக்க உள்ளார். நடிகர் விஜய் சேதுபதி மற்றும் பிரபல மலையாள நடிகர் பஹத் பாசில் ஆகியோர் முக்கிய கதாபாத்திரத்தில் நடிக்க உள்ளனர். கொரோனா பரவல் குறைந்த பின்னர் இப்படத்தின் படப்பிடிப்பை நடத்த திட்டமிட்டுள்ளனர்.

இப்படத்தில் நடிகை சுருதிஹாசன் நடிக்க உள்ளதாக தகவல் பரவி வந்தது. இந்நிலையில், நடிகை சுருதிஹாசன் இதுகுறித்து விளக்கம் அளித்துள்ளார். அவர் கூறியதாவது: “அப்பாவின் விக்ரம் படத்தில் நடிக்க இதுவரை எனக்கு எந்தவித அழைப்பும் வரவில்லை” எனக்கூறி வதந்திக்கு முற்றுப்புள்ளி வைத்துள்ளார். நடிகை சுருதிஹாசன் தற்போது பிரபாஸுக்கு ஜோடியாக சலார் படத்தில் நடித்து வருகிறார்.