சினிமா
நேற்று சிம்பு... இன்று ஹிப் ஹாப் ஆதி
சிம்பு நடிப்பில் வெளியான பாடல் ஒன்று 100 மில்லியன்களை கடந்த நிலையில் தற்போது ஹிப் ஹாப் ஆதியின் பாடலும் அதேபோல் 100 மில்லியன்களை கடந்துள்ளது.
சிம்பு நடிப்பில் வெளியான திரைப்படம் ஈஸ்வரன். சுசீந்திரன் இயக்கிய இப்படத்தில் நிதி அகர்வால், நந்திதா ஸ்வேதா, இயக்குனர் பாரதிராஜா ஆகியோர் நடித்து இருந்தனர். இப்படத்தில் இடம்பெற்ற மாங்கல்யம் என்ற பாடல் 100 மில்லியன் பார்வையாளர்களை கடந்துள்ளது என்று நடிகர் சிம்பு நேற்று அறிவித்தார்.
இந்நிலையில் இன்று ஹிப் ஹாப் ஆதி நடிப்பில் வெளியான நட்பே துணை படத்தில் இடம் பெற்ற சிங்கிள் பசங்க என்ற பாடல் 100 மில்லியன்களை கடந்து இருக்கிறது. இதை நடிகரும் இசையமைப்பாளருமான ஹிப்ஹாப் ஆதி பகிர்ந்திருக்கிறார்.