சினிமா
ஜாக்பாட் இயக்குனருடன் இணையும் காஜல் அகர்வால்
தமிழ் திரையுலகில் முன்னணி நடிகையாக வலம்வரும் காஜல் அகர்வால், அடுத்ததாக ஜாக்பாட் இயக்குனரின் படத்தில் நடிக்க உள்ளாராம்.
நடிகை காஜல் அகர்வால் சமீபத்தில் தொழிலதிபர் கவுதம் கிச்சலு என்பவரை திருமணம் செய்துகொண்டார். திருமணத்திற்கு பின் தேனிலவு கொண்டாட கணவருடன் மாலத்தீவுக்கு சென்றார். தற்போது தேனிலவை முடித்து விட்டு நாடு திரும்பி இருக்கும் அவர், ஒரு தமிழ் படத்தில் நடிக்க ஒப்பந்தமாகியுள்ளார்.
‘கோஸ்ட்டி’ என பெயரிடப்பட்டுள்ள இப்படத்தை கல்யாண் இயக்க உள்ளார். இவர் ஏற்கனவே ஜாக்பாட், குலேபகாவலி ஆகிய திரைப்படங்களை இயக்கியுள்ளார் என்பது குறிப்பிடத்தக்கது.
பேண்டசி ஹாரர் காமெடி படமாக தயாராகும் இதில் யோகிபாபு, ஊர்வசி, ஸ்ரீமன், தேவதர்ஷினி, மொட்டை ராஜேந்திரன், கோலமாவு கோகிலா புகழ் டோனி உள்பட 23 காமெடி நடிகர்கள் நடிக்க உள்ளார்களாம். ஒரு முன்னணி நடிகரும் சிறப்பு தோற்றத்தில் நடிக்க உள்ளதாக கூறப்படுகிறது.
மேலும் நடிகை காஜல் அகர்வால் கைவசம் சிரஞ்சீவியின் ‘ஆச்சார்யா’ மற்றும் கமல்ஹாசனின் ‘இந்தியன் 2 ’ போன்ற படங்களும் உள்ளன.