சினிமா
சூர்யா

அருவா படத்தில் சூர்யாவுக்கு இரட்டை வேடம்?

Published On 2020-03-04 04:06 GMT   |   Update On 2020-03-04 04:06 GMT
ஹரி இயக்கத்தில் உருவாக இருக்கும் அருவா படத்தில் சூர்யா இரட்டை வேடத்தில் நடிக்க உள்ளதாக தகவல் வெளியாகியுள்ளது.
சூர்யா நடிப்பில் கடந்த வருடம் என்.ஜி.கே., காப்பான் படங்கள் வந்தன. தற்போது சூரரைப் போற்று படத்தில் நடித்து முடித்துள்ளார். இந்த படத்தை அடுத்த மாதம் திரைக்கு கொண்டு வர திட்டமிட்டுள்ளனர். அடுத்து சூர்யா நடிக்கும் படத்தை இயக்குவது யார் என்ற கேள்வி எழுந்த நிலையில் ஹரி இயக்கத்தில் நடிப்பதாக அறிவிப்பு வந்துள்ளது.

இந்த படத்துக்கு அருவா என்று பெயர் வைத்துள்ளனர். ஏற்கனவே இவர்கள் கூட்டணியில் ஆறு, வேல் மற்றும் சிங்கம் படத்தின் மூன்று பாகங்கள் வந்தன. அனைத்தும் அதிரடி கதைகளாக இருந்தன. புதிய படத்துக்கு அருவா என்று பெயர் வைத்து இருப்பதால் இந்த படத்திலும் சண்டை காட்சிகள் மிகுதியாக இருக்கும் என்று எதிர்பார்க்கப்படுகிறது.



அருவா படத்தில் சூர்யாவுக்கு ஜோடியாக நடிக்க ராஷ்மிகா மந்தனாவிடம் பேசி வருகின்றனர். ராஷ்மிகா தற்போது கார்த்தி ஜோடியாக சுல்தான் படத்தில் நடித்து வருகிறார்.

இந்த நிலையில் அருவா படத்தின் கதை சமூக வலைத்தளத்தில் கசிந்துள்ளதாக பரபரப்பு ஏற்பட்டு உள்ளது. அதில் படத்தில் சூர்யா அண்ணன், தம்பி என்று இரட்டை வேடங்களில் நடிப்பதாகவும், இருவருக்கும் நடக்கும் மோதலே படம் என்றும், கிராமத்து பின்னணியில் படத்தை எடுக்கின்றனர் எனவும் தகவல் இடம்பெற்று உள்ளது. இதனை படக்குழுவினர் உறுதிப்படுத்தவில்லை.
Tags:    

Similar News