கார்

முன்பதிவில் அசத்தும் 2022 மாருதி சுசுகி பிரெஸ்ஸா - அதற்குள் இத்தனை யூனிட்களா?

Published On 2022-08-03 09:52 GMT   |   Update On 2022-08-03 09:52 GMT
  • மாருதி சுசுகி நிறுவனம் 2022 பிரெஸ்ஸா மாடலை நான்கு வேரியண்ட்கள், ஒன்பது விதமான நிறங்களில் அறிமுகம் செய்தது.
  • இந்த மாடல் 1.5 லிட்டர் பெட்ரோல் என்ஜின், மேனுவல் மற்றும் ஆட்டோமேடிக் கியர்பாக்ஸ் ஆப்ஷன்களை கொண்டுள்ளது.

மாருதி சுசுகி நிறுவனம் இந்திய சந்தையில் முற்றிலும் புதிய 2022 மாருதி சுசுகி பிரெஸ்ஸா மாடலை ஜூன் 30 ஆம் தேதி அறிமுகம் செய்தது. புதிய பிரெஸ்ஸா மாடலை வாங்க இதுவரை சுமார் 70 ஆயிரத்திற்கும் மேற்பட்டோர் முன்பதிவு செய்துள்ளனர் என மாருதி சுசுகி அறிவித்து இருக்கிறது. புதிய மேம்பட்ட காம்பேக்ட் எஸ்யுவி மாடல் நான்கு வேரியண்ட்கள், ஒன்பது விதமான நிறங்களில் கிடைக்கிறது.

2022 பிரெஸ்ஸா மாடலில் டூயல் எல்இடி ப்ரோஜெக்டர் ஹெட்லேம்ப்கள், இண்டகிரேட் செய்யப்பட்ட எல்இடி டிஆர்எல்-கள், மெல்லிய ஸ்ப்லிட் ரக எல்இடி டெயில் லைட்கள், ஷார்க் பின் ஆண்டெனா, 16 இன்ச் டூயல் டோன் அலாய் வீல்கள், வீல் ஆர்ச்களை சுற்றி பிளாஸ்டிக் கிளாடிங் உள்ளிட்டவை வழங்கப்பட்டு இருக்கிறது.


இத்துடன் எலெக்ட்ரிக் சன்ரூஃப், வயர்லெஸ் சார்ஜர், ஹெட்ஸ்-அப் டிஸ்ப்ளே, ஆர்கமிஸ் சவுண்ட் சிஸ்டம், ஒன்பது இன்ச் அளவில் தொடுதிரை வசதி கொண்ட இன்போடெயின்மெண்ட் சிஸ்டம், ஆண்ட்ராய்டு ஆட்டோ மற்றும் ஆப்பிள் கார்பிளே கனெக்டிவிட்டி வழங்கப்பட்டு உள்ளது. பாதுகாப்பிற்கு ஆறு ஏர்பேக், 360 டிகிரி கேமரா, ஹில் ஹோல்டு அசிஸ்ட், ரியர் பார்க்கிங் சென்சார்கள், ISOFIX சைல்டு சீட் பாயிண்ட்கள் உள்ளன.

புதிய 2022 மாருதி சுசுகி பிரெஸ்ஸா மாடலில் 1.5 லிட்டர் பெட்ரோல் என்ஜின் வழங்கப்பட்டுள்ளது. இந்த என்ஜின் 102 ஹெச்.பி. பவர், 136.8 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டு இருக்கிறது. இத்துடன் 5 ஸ்பீடு மேனுவல் டிரான்ஸ்மிஷன் மற்றும் 6 ஸ்பீடு ஆட்டோமேடிக் டார்க் கன்வெர்ட்டர் ஆப்ஷன்கள் வழங்கப்படுகிறது.

இந்திய சந்தையில் மேம்பட்ட மாருதி சுசுகி பிரெஸ்ஸா மாடல் கியா சொனெட், டாடா நெக்சான், ஹூண்டாய் வென்யு, நிசான் மேக்னைட், ரெனால்ட் கைகர் மற்றும் மஹிந்திரா XUV300 போன்ற மாடல்களுக்கு போட்டியாக அமைகிறது. புதிய 2022 மாருதி சுசுகி பிரெஸ்ஸா மாடலின் டாப் எண்ட் மாடல் விலை ரூ. 13 லட்சத்து 96 ஆயிரம், எக்ஸ்-ஷோரூம் என துவங்குகிறது.

Tags:    

Similar News