ஆட்டோமொபைல்
2021 ஹார்லி டேவிட்சன் மாடல்கள் வெளியீட்டு விவரம்
2021 ஹார்லி டேவிட்சன் நிறுவன மோட்டார்சைக்கிள் மாடல்களின் வெளியீட்டு விவரங்களை தொடர்ந்து பார்ப்போம்.
ஹார்லி டேவிட்சன் நிறுவனம் தனது புத்தாண்டு திட்டங்களை ஜனவரி 19 ஆம் தேதி அறிவிப்பதாக தெரிவித்து இருக்கிறது. இந்த அறிவிப்பு விர்ச்சுவல் செய்தியாளர் சந்திப்பு மூலம் நடைபெற இருக்கிறது.
இந்த சந்திப்பின் போது 2021 மோட்டார்சைக்கிள் மாடல்கள், ரைடிங் கியர், அக்சஸரீ மற்றும் பாகங்கள் உள்ளிட்டவற்றை காட்சிப்படுத்த இருப்பதாகவும் ஹார்லி டேவிட்சன் தெரிவித்து உள்ளது. அதிகம் எதிர்பார்க்கப்பட்ட பேன் அமெரிக்கா மாடல் பற்றி இந்நிறுவனம் எந்த தகவலும் வழங்கவில்லை.
2021 பிப்ரவரி மாதத்தில் ஹார்லி டேவிட்சன் பேன் அமெரிக்கா மாடலை அறிமுகம் செய்ய இருக்கிறது. இதுதவிர முற்றிலும் புதய 1250 கஸ்டம் மாடல் ஜனவரியில் அறிமுகம் செய்யப்படலாம் என எதிர்பார்க்கப்படுகிறது. முன்னதாக வெளியான தகவல்களில் இந்த மாடல் கைவிடப்பட்டதாக கூறப்பட்டது.
எனினும், தற்போதைய தகவல்களின் படி 1250 கஸ்டம் மாடல் பேன் அமெரிக்கா மாடலில் வழங்கப்படும் என்ஜின் கொண்டிருக்கும் என்றும் அறிமுகமானதும் விரைவில் விற்பனைக்கு வரும் என கூறப்படுகிறது.