இந்தியாவில் இரு கேடிஎம் மாடல்கள் விலையில் திடீர் மாற்றம்

கேடிஎம் நிறுவனம் சமீபத்தில் தனது மோட்டார்சைக்கிள் மாடல்களின் விலையை இந்தியாவில் மாற்றியமைத்தது. தற்சமயம் ஆர்சி 125 மற்றும் ஆர்சி 390 மோட்டார்சைக்கிள்களின் விலை உயர்த்தப்பட்டு இருக்கிறது.

புதிய விலை உயர்வின் படி கேடிஎம் ஆர்சி 125 மாடல் விலை ரூ. 1,280 உயர்த்தப்பட்டு தற்சமயம் ரூ. 1,61,101 என மாறி இருக்கிறது. கேடிஎம் ஆர்சி 390 மோட்டார்சைக்கிள் விலை ரூ. 3,537 அதிகரிக்கப்பட்டு தற்சமயம் ரூ. 2,56,917 என மாறி இருக்கிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

கேடிஎம் ஆர்சி 125 மாடலில் 125சிசி, லிக்விட் கூல்டு மோட்டார் வழங்கப்பட்டு இருக்கிறது. இந்த என்ஜின் 14.5 பிஹெச்பி பவர், 12 என்எம் டார்க் செயல்திறன் வழங்குகிறது. இது ஆர்சி மாடல்களிலும் 6 ஸ்பீடு கியர்பாக்ஸ் வழங்கப்பட்டு இருக்கிறது. இத்துடன் ஸ்லிப்பர் கிளட்ச் வழங்கப்பட்டு உள்ளது.

முன்னதாக கேடிஎம் 390 டியூக், 390 அட்வென்ச்சர் போன்ற மாடல்களின் விலை உயர்த்தப்பட்டது. அதன்படி 390 டியூக் மாடல் விலை ரூ. 8515 வரை உயர்த்தப்பட்டது.