ஆட்டோமொபைல்
இந்தியாவில் யமஹா மோட்டார்சைக்கிள் விலையில் திடீர் மாற்றம்
யமஹா நிறுவனத்தின் எப்இசட்-எப்ஐ மோட்டார்சைக்கிள் மாடல் விலை இந்தியாவில் திடீரென உயர்த்தப்பட்டு இருக்கிறது.
யமஹா மோட்டார்சைக்கிள்ஸ் இந்தியா நிறுவனம் தனது எப்இசட்-எப்ஐ 150சிசி மோட்டார்சைக்கிள் விலையை திடீரென உயர்த்தி உள்ளது. அதன்படி பிஎஸ்6 யமஹா எப்இசட் மாடல் விலை ரூ. 1000 உயர்த்தப்பட்டு இருக்கிறது.
விலை உயர்வின் படி இந்த மோ்டார்சைக்கிள் துவக்க விலை ரூ. 1.02 லட்சம் என மாறி இருக்கிறது. இதன் டாப் எண்ட் மாடல் விலை ரூ. 1.04 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
யமஹா மோட்டார்சைக்கிள் விலை அந்நிறுவன வலைதளத்தில் பதிவேற்றம் செய்யப்பட்டுவிட்டது. எனினும், விலை உயர்வுக்கான காரணம் எதுவும் அறிவிக்கப்படவில்லை.