ஆட்டோமொபைல்
ரெனால்ட் நிறுவனத்தின் புதிய கைகர் மாடல் கார் ஸ்பை படங்கள் இணையத்தில் லீக் ஆகி இருக்கிறது.
ரெனால்ட் நிறுவனம் தனது கைகர் சப்காம்பேக்ட் எஸ்யுவி மாடல் காரின் கான்செப்ட் மாடலை சமீபத்தில் அறிமுகம் செய்தது. இந்த கார் விற்பனை அடுத்த ஆண்டு துவக்கத்தில் நடைபெறும் என எதிர்பார்க்கப்படுகிறது. புதிய மாடல் மூலம் ரெனால்ட் நிறுவனம் சப்காம்பேக்ட் எஸ்யுவி பிரிவில் களமிறங்க இருக்கிறது.
புதிய கைகர் கான்செப்ட் வடிவமைப்பு அதன் உற்பத்தி வெர்ஷனில் 80 சதவீதம் வரை அப்படியே இருக்கும் என ரெனால்ட் அறிவித்து இருந்தது. இந்நிலையில், ப்ரோடக்ஷன் யூனிட் ஸ்பை படங்கள் இணையத்தில் லீக் ஆகி இருக்கிறது. அதன்படி புதிய கார் முழுமையாக மறைக்கப்பட்ட நிலையில் சோதனை செய்யப்படுகிறது.
ஸ்பை படங்களின் படி ரெனால்ட் கைகர் காரில் புதிய அலாய் வீல், ஸ்ப்லிட் ஹெட்லேம்ப் யூனிட், டிரை-எல்இடி ப்ரோஜெக்டர்கள் வழங்கப்பட்டு இருக்கின்றன. பின்புறம் ஸ்கல்ப்ட் செய்யப்பட்ட பூட், பிளாக் கிளாடிங், ஸ்டீப்பர் விண்ட்ஷீல்டு, சி வடிவ எல்இடி டெயில் லேம்ப்கள் கொண்டிருககின்றன.
இந்திய சந்தையின் சப்காம்பேக்ட் எஸ்யுவி பிரிவில் மாருதி சுசுகி விட்டாரா பிரெஸ்ஸா, கியா சொனெட், ஹூண்டாய் வென்யூ, டாடா நெக்சான் போன்ற மாடல்கள் விற்பனையில் அதிக வரவேற்பை பெற்று வருகின்றன.