விற்பனையகம் வந்தடைந்த கேடிஎம் 250 அட்வென்ச்சர்

கேடிஎம் நிறுவனம் 250 அட்வென்ச்சர் மோட்டார்சைக்கிளை இந்திய சந்தையில் அறிமுகம் செய்ய இருக்கிறது. இது அந்நிறுவனத்தின் புதிய என்ட்ரி லெவல் அட்வென்ச்சர் மாடலாக இருக்கும். புதிய அட்வென்ச்சர் மாடல் வெளியீடு பற்றி கேடிஎம் இதுவரை எந்த தகவலையும் வழங்கவில்லை. 

இந்நிலையில், புதிய கேடிஎம் 250 அட்வென்ச்சர் மாடல் விற்பனையகம் வர துவங்கி இருக்கிறது. அந்த வகையில் இந்த மோட்டார்சைக்கிள் விரைவில் இந்திய சந்தையில் அறிமுகம் செய்யப்படலாம் என எதிர்பார்க்கப்படுகிறது. 

முன்னதாக கேடிஎம் விற்பனையாளர்கள் புதிய கேடிஎம் 250 மாடலுக்கு அதிகாரப்பூர்வமற்ற முறையில் முன்பதிவுகளை துவங்க இருப்பதாகவும், முன்பதிவு கட்டணம் ரூ. 1000 வரை வசூலிப்பதாக தகவல்கள் வெளியானது.

கேடிஎம் 250 அட்வென்ச்சர் மாடலில் 248.8சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட இருக்கிறது. இந்த என்ஜின் 30 பிஹெச்பி பவர், 24 என்எம் டார்க் செயல்திறன் வழங்குகிறது.