இந்தியன் வெல்ஸ் ஓபன்: நம்பர் 1 வீரர் ஜோகோவிச் அதிர்ச்சி தோல்வி

கலிபோர்னியா:

அமெரிக்காவின் கலிபோர்னியா மாகாணத்தில் இந்தியன் வெல்ஸ் பகுதியில் இந்தியன் வெல்ஸ் ஓபன் டென்னிஸ் போட்டிகள் நடந்து வருகின்றன.

இதில், நம்பர் 1 வீரரான செர்பியாவின் நோவக் ஜோகோவிச், இத்தாலியின் லூகா நார்டி ஆகியோர் விளையாடினர்.

முதல் செட்டை 4-6 என கோட்டை விட்ட ஜோகோவிச், அடுத்த சுற்றை 6-3 என கைப்பற்றினார். இதனால் 3-வது செட்டை கைப்பற்றும் போட்டி பரபரப்பாக நடந்தது.

இதில் லூகா நார்டி 6-3 என்ற கணக்கில் செட்டை கைப்பற்றி ஜோகோவிச்சுக்கு அதிர்ச்சி தோல்வி அளித்தார். இதன்மூலம் ஜோகோவிச் தொடரில் இருந்து வெளியேறினார்.

2019-ம் ஆண்டுக்கு பின்னர் இந்தியன் வெல்ஸ் ஓபன் டென்னிஸ் போட்டிக்கு ஜோகோவிச் திரும்பியுள்ளார் என்பது குறிப்பிடத்தக்கது.