பிளாக்‌ஷிப் அம்சங்களுடன் மிட் ரேன்ஜ் விலையில் அறிமுகமான ரியல்மி ஸ்மார்ட்போன்

ரியல்மி நிறுவனம் ஏற்கனவே அறிவித்தப்படி இந்திய சந்தையில் புதிய ரியல்மி GT 2 ஸ்மார்ட்போனினை அறிமுகம் செய்து இருக்கிறது. இதில் 6.62 இன்ச் FHD+ E4 AMOLED ஸ்கிரீன், 120Hz ரிப்ரெஷ் ரேட், குவால்காம் ஸ்னாப்டிராகன் 888 பிராசஸர், அதிகபட்சம் 12GB ரேம் வழங்கப்பட்டு இருக்கிறது. இத்துடன் 8 லேயர் ஹீட் டெசிபேஷன் ஸ்டிரக்சர் வழங்கப்பட்டு உள்ளது. இது ஸ்மார்ட்போனில் ஏற்படும் வெப்பத்தை பெருமளவு குறைக்கிறது.

இத்துடன் 50MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ கேமரா மற்றும் 16MP செல்ஃபி கேமரா வழங்கப்பட்டு உள்ளது. ஆண்ட்ராய்டு 12 சார்ந்த ரியல்மி யு.ஐ. 3 கொண்டிருக்கும் ரியல்மி GT 2 ஸ்மார்ட்போன் இன் டிஸ்ப்ளே கைரேகை சென்சார் கொண்டிருக்கிறது. மேலும் இந்த ஸ்மார்ட்போன் 5000mAh பேட்டரி மூலம் சக்தியூட்டப்படுகிறது.