குறைந்த விலையில் புது சலுகைகள் அறிவித்த பி.எஸ்.என்.எல்.

பி.எஸ்.என்.எல். நிறுவனம் பட்ஜெட் விலை பிரீபெயிட் சலுகைகளை அறிவித்து இருக்கிறது. இவற்றின் விலை ரூ. 184 இல் துவங்கி அதிகபட்சம் ரூ. 347 வரை நிர்ணயம் செய்யப்பட்டுள்ளன. இந்த சலுகைகளில் அன்லிமிடெட் வாய்ஸ் கால், இலவச எஸ்.எம்.எஸ்., அதிவேக டேட்டா போன்ற பலன்கள் வழங்கப்படுகின்றன. 'ஸ்பெஷல் டேரிஃப் வவுச்சர்' பிரிவில் இந்த சலுகைகள் அறிவிக்கப்பட்டுள்ளன.

பலன்களை பொருத்தவரை பி.எஸ்.என்.எல். ரூ. 184 சலுகையில் தினமும் 1 ஜி.பி. டேட்டா, 100 எஸ்.எம்.எஸ்., அன்லிமிடெட் வாய்ஸ் கால் மற்றும் அரினா மொபைல் கேமிங் சேவை வழங்கப்படுகிறது. இதற்கான வேலிடிட்டி 28 நாட்கள் ஆகும். இதே பலன்கள் வழங்கும் ரூ. 185 மற்றும் ரூ. 186 சலுகைகள் அறிவிக்கப்பட்டுள்ளன.

இவற்றில் ரூ. 185 சலுகையில் கூடுதலாக லிஸ்டன் பாட்கேஸ்ட், ரூ. 186 சலுகையில் பார்டி கேம்ஸ், பி.எஸ்.என்.எல். டியூன்ஸ் வழங்கப்படுகிறது. பி.எஸ்.என்.எல். ரூ. 347 சலுகையில் தினமும் 2 ஜி.பி. டேட்டா, தினமும் 100 எஸ்.எம்.எஸ். வழங்கப்படுகிறது. இதற்கான வேலிடிட்டி 56 நாட்கள் ஆகும். இத்துடன் அரினா மொபைல் கேமிங் சேவை வழங்கப்படுகிறது.