search icon
என் மலர்tooltip icon

    தொழில்நுட்பச் செய்திகள்

    ஒப்போ
    X
    ஒப்போ

    கீக்பென்ச் தளத்தில் லீக் ஆன ஒப்போ மடிக்கக்கூடிய ஸ்மார்ட்போன்

    ஒப்போ நிறுவனத்தின் முதல் மடிக்கக்கூடிய ஸ்மார்ட்போன் விவரங்கள் கீக்பென்ச் வலைதளத்தில் லீக் ஆகி இருக்கிறது.


    மடிக்கக்கூடிய ஸ்மார்ட்போன் மாடல்களுக்கான சந்தை மெல்ல வளர்ந்து வருகிறது. தற்போது சாம்சங் நிறுவனம் மூன்று தலைமுறை மடிக்கக்கூடிய ஸ்மார்ட்போன்களை அறிமுகம் செய்து இருக்கிறது. ஒப்போ நிறுவனமும் மடிக்கக்கூடிய ஸ்மார்ட்போன் உருவாக்கி வருவதாக சமீபத்தில் தகவல்கள் வெளியாகி வருகின்றன.

    அந்த வரிசையில் தற்போது வெளியாகி இருக்கும் தகவல்களில், ஒப்போ மடிக்கக்கூடிய ஸ்மார்ட்போன் கீக்பென்ச் தளத்தில் இடம்பெற்று இருப்பதாக கூறப்படுகிறது. இந்த ஸ்மார்ட்போன் ஒப்போ போல்டு எனும் பெயரில் விற்பனைக்கு அறிமுகமாகும் என தெரிகிறது.

     ஒப்போ போல்டு

    கீக்பென்ச் விவரங்களின் படி புதிய ஒப்போ போல்டு ஸ்மார்ட்போன் ஸ்னாப்டிராகன் 888 அல்லது ஸ்னாப்டிராகன் 888 பிளஸ் பிராசஸர், 12 ஜிபி ரேம், ஆண்ட்ராய்டு 12 ஓ.எஸ். கொண்டிருக்கும் என கூறப்படுகிறது. ஒப்போ போல்டு மாடலில் 8 இன்ச் ஓ.எல்.இ.டி. எல்.டி.பி.ஓ. பேனல், 120 ஹெர்ட்ஸ் ரிப்ரெஷ் ரேட் வழங்கப்படும் என கூறப்படுகிறது.

    மேலும் இதில் 50 எம்.பி. பிரைமரி கேமரா, 16 எம்.பி. வைடு ஆங்கில் லென்ஸ், 13 எம்.பி. கேமரா, 32 எம்.பி. செல்பி கேமரா வழங்கப்படலாம்.
    Next Story
    ×