4ஜி எல்.டி.இ. வசதியுடன் புது டேப் அறிமுகம் செய்த லெனோவோ

லெனோவோ நிறுவனம் டேப் கே10 மிட்-ரேன்ஜ் டேப்லெட் மாடலை இந்திய சந்தையில் அறிமுகம் செய்தது. இதில் 10.3 இன்ச் புல் ஹெச்.டி. பிளஸ் எல்.சி.டி. ஸ்கிரீன், மீடியாடெக் ஹீலியோ பி22டி பிராசஸர், அதிகபட்சம் 4 ஜிபி ரேம், ஆண்ட்ராய்டு 11 ஓ.எஸ். வழங்கப்பட்டு இருக்கிறது.

இத்துடன் 8 எம்பி பிரைமரி கேமரா, பிளாஷ், 5 எம்பி செல்பி கேமரா, டூயல் ஸ்பீக்கர்கள், டால்பி ஆடியோ, 7500 எம்.ஏ.ஹெச். பேட்டரி, ஆக்டிவ் பென் ஸ்டைலஸ் வசதி உள்ளிட்ட அம்சங்கள் வழங்கப்பட்டு இருக்கிறது. புதிய டேப்லெட் இந்தியாவிலேயே உற்பத்தி செய்யப்படுவதாக லெனோவோ தெரிவித்து உள்ளது.

லெனோவோ டேப் கே10 மாடல் அபிஸ் புளூ நிறத்தில் கிடைக்கிறது. இதன் உண்மையான விலை ரூ. 25 ஆயிரம் ஆகும். எனினும், புதிய டேப் கே10 எல்.டி.இ. 3 ஜிபி+32 ஜிபி மாடல் விலை ரூ. 13,999 என்றும், வைபை, 4 ஜிபி+64 ஜிபி விலை ரூ. 15,999, எல்.டி.இ. 4 ஜிபி+64 ஜிபி விலை ரூ. 16,999 என்றும் நிர்ணயம் செய்யப்பட்டு உள்ளது.