search icon
என் மலர்tooltip icon

    தொழில்நுட்பம்

    போக்கோ எம்2 ரி-லோடெட்
    X
    போக்கோ எம்2 ரி-லோடெட்

    ரூ. 9 ஆயிரம் பட்ஜெட்டில் போக்கோ எம்2 புது வேரியண்ட் அறிமுகம்

    போக்கோ பிராண்டின் பிரபலமான போக்கோ எம்2 ஸ்மார்ட்போனின் புது வேரியண்ட் இரண்டு நிறங்களில் கிடைக்கிறது.


    போக்கோ பிராண்டு கடந்த ஆண்டு செப்டம்பர் மாதம் அறிமுகம் செய்த எம்2 ஸ்மார்ட்போன் இதுவரை 6 ஜிபி ரேம், 64 ஜிபி மெமரி என ஒற்றை வேரியண்டில் மட்டும் விற்பனை செய்யப்பட்டு வந்தது. இந்த மாடல் விலை ரூ. 10,999 என நிர்ணயம் செய்யப்பட்டு இருந்தது.

    தற்போது போக்கோ எம்2 ரி-லோடெட் ஸ்மார்ட்போனினை இந்தியாவில் அறிமுகம் செய்துள்ளது. இந்த ஸ்மார்ட்போன் 4 ஜிபி ரேம், 64 ஜிபி மெமரி கொண்டிருக்கிறது. இதன் விலை ரூ. 9,499 ஆகும். இந்த ஸ்மார்ட்போன் கிரெயிஷ் பிளாக் மற்றும் மோஸ்ட்லி புளூ நிறங்களில் கிடைக்கிறது. இது ஏப்ரல் 21 முதல் ப்ளிப்கார்ட் தளத்தில் விற்பனை செய்யப்படுகிறது.

     போக்கோ எம்2 ரி-லோடெட்

    புது மெமரி தவிர இதன் அம்சங்களில் எந்த மாற்றமும் மேற்கொள்ளப்படவில்லை. அதன்படி போக்கோ எம்2 ரி-லோடெட் மாடலில் 6.53 இன்ச் புல் ஹெச்டி பிளஸ் எல்சிடி வாட்டர் டிராப் ஸ்கிரீன், மீடியாடெக் ஹீலியோ ஜி80 பிராசஸர், புகைப்படங்களை எடுக்க 13 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 5 எம்பி மேக்ரோ சென்சார், 2 எம்பி டெப்த் சென்சார், 8 எம்பி செல்பி கேமரா வழங்கப்பட்டு உள்ளது.

    இந்த ஸ்மார்ட்போன் டு-டோன் டிசைன், பின்புறம் கைரேகை சென்சார், பிரத்யேக டூயல் சிம் ஸ்லாட், மைக்ரோ எஸ்டி ஸ்லாட், 5000 எம்ஏஹெச் பேட்டரி, 18 வாட் பாஸ்ட் சார்ஜிங் அம்சங்களை கொண்டிருக்கிறது.
    Next Story
    ×