search icon
என் மலர்tooltip icon

    தொழில்நுட்பம்

    ஒப்போ எப்19 சீரிஸ் டீசர்
    X
    ஒப்போ எப்19 சீரிஸ் டீசர்

    ஒப்போ எப்19 சீரிஸ் இந்திய வெளியீட்டு விவரம்

    ஒப்போ நிறுவனத்தின் புதிய எப்19 சீரிஸ் ஸ்மார்ட்போன்களின் இந்திய வெளியீட்டு விவரங்களை தொடர்ந்து பார்ப்போம்.


    ஒப்போ நிறுவனம் இந்தியாவில் எப்19 ப்ரோ பிளஸ் 5ஜி மற்றும் எப்19 ப்ரோ ஸ்மார்ட்போன்களை மார்ச் 8 ஆம் தேதி அறிமுகம் செய்ய இருக்கிறது. புது ஸ்மார்ட்போன்களை விளம்பரப்படுத்த ஒப்போ நிறுவனம் பாலிவுட் நடிகர் வருன் தவானை விளம்பர தூதராக நியமித்து உள்ளது.

    புதிய ஒப்போ எப்19 ப்ரோ பிளஸ் 5ஜி மாடல் ஏஐ ஹைலைட் போர்டிரெயிட் வீடியோ அம்சம் கொண்டுள்ளது. இது குறைந்த வெளிச்சம் கொண்ட இடங்களில் வீடியோ எடுக்கப்படும் போதும் காட்சிகளை துல்லியமாக வெளிப்படுத்தும் என ஒப்போ தெரிவித்து இருக்கிறது. 

     ஒப்போ எப்19 சீரிஸ் டீசர்

    புதிய எப்19 ப்ரோ பிளஸ் 5ஜி மாடல் ஒப்போ ஸ்மார்ட் 5ஜி 3.0 வசதி கொண்ட முதல் எப் சீரிஸ் ஸ்மார்ட்போன் ஆகும். இது அதிவேக டவுன்லோட் மற்றும் அப்லோட் வேகத்தை பெற வழி செய்கிறது. மேலும் இதில் எட்டு ஆன்டெனாக்கள் 360 கோணங்களில் பொருத்தப்படுகிறது. இது ஸ்மார்ட்போன் எந்த நிலையில் இருந்தாலும் சீரான 4ஜி மற்றும் 5ஜி டேட்டா அனுபவத்தை வழங்கும்.
    Next Story
    ×