search icon
என் மலர்tooltip icon

    தொழில்நுட்பம்

    போக்கோ
    X
    போக்கோ

    இணையத்தில் லீக் ஆன புதிய போக்கோ ஸ்மார்ட்போன் விவரங்கள்

    போக்கோ பிராண்டின் புதிய ஸ்மார்ட்போன் விவரங்கள் இணையத்தில் லீக் ஆகி இருக்கிறது.


    போக்கோ பிராண்டின் புதிய ஸ்மார்ட்போன் மாடல் டிசம்பர் மாத வாக்கில் சர்வதேச சந்தையில் அறிமுகம் செய்யப்பட இருப்பதாக தகவல் வெளியாகி உள்ளது. இது மிட்ரேன்ஜ் மாடலாக இருக்கும் என கூறப்படுகிறது.

    புதிய போக்கோ ஸ்மார்ட்போன் ரெட்மி நோட் 10 மாடலின் ரீ-பிராண்டு செய்யப்பட்ட வெர்ஷனாக இருக்கும் என தெரிகிறது. இந்த ஸ்மார்ட்போன் சர்வதேச சந்தையில் டிசம்பர் மாத மத்தியில் அறிமுகமாகும் என எதிர்பார்க்கப்படுகிறது. 

     ரெட்மி போன்

    புதிய போக்கோ ஸ்மார்ட்போன் இந்தியாவில் அறிமுகமாகுமா என்பது குறித்து இதுவரை எந்த தகவலும் இல்லை. முன்னதாக போக்கோ மேலாளர் அங்கஸ் கை ஹோ என்ஜி புதிய போக்கோ ஸ்மார்ட்போன் வெளியீட்டிற்கான டீசரை தனது சமூக வலைதளத்தில் வெளியிட்டு இருந்தார்.

    அந்த டீசரின் படி புதிய போக்கோ ஸ்மார்ட்போன் M2010j19CG எனும் மாடல் நம்பர் கொண்டிருக்கும் என கூறப்பட்டு இருந்தது. இதைத் தொடர்ந்து சில நாட்களுக்கு முன் ரெட்மி நோட் 10 4ஜி வேரியண்ட் விவரங்கள் இணையத்தில் வெளியாகி இருந்தது. 

    இந்த மாடல் M2010J19SC எனும் மாடல் நம்பர் கொண்டு சீனாவின் 3சி தளத்தில் சான்று பெற்று இருந்தது. இதே மாடல் சர்வதேச சந்தையில் M2010j19CG எனும் மாடல் நம்பர் கொண்டிருக்கும் என கூறப்படுகிறது. 

    முன்னதாக போக்கோ சி3 ஸ்மார்ட்போன் இந்திய சந்தையில் அறிமுகம் செய்யப்பட்டது. இது ரெட்மி 9சி மாடலின் மாற்றம் செய்யப்பட்ட வெர்ஷன் ஆகும். 
    Next Story
    ×