search icon
என் மலர்tooltip icon

    தொழில்நுட்பம்

    ஏர்டெல்
    X
    ஏர்டெல்

    ஏர்டெல் டிஜிட்டல் டிவி வாடிக்கையாளர்களுக்கு அசத்தல் சலுகை

    ஏர்டெல் நிறுவனம் தனது டிஜிட்டல் டிவி வாடிக்கையாளர்களுக்கு எக்ஸ்டிரீம் பிரீமியம் சந்தாவினை இலவசமாக வழங்குவதாக தகவல் வெளியாகி இருக்கிறது.


    ஏர்டெல் நிறுவனம் தேர்வு செய்யப்பட்ட ஏர்டெல் டிஜிட்டல் டிவி சந்தாதாரர்களுக்கு ஒரு வருடத்திற்கான எக்ஸ்டிரீம் பிரீமியம் சந்தாவை  இலவசமாக வழங்கி வருவதாக தகவல் வெளியாகி உள்ளது. தேர்வு செய்யப்பட்ட வாடிக்கையாளர்களுக்கு ஏர்டெல் குறுந்தகவல் அனுப்பி தகவல் தெரிவித்து வருவதாக கூறப்படுகிறது.

    எக்ஸ்டிரீம் சந்தா இலவசமாக வழங்கப்பட்ட பயனர்கள் சிலர் இந்த சலுகை பற்றிய தகவலை ட்விட்டரில் பகிர்ந்துள்ளனர். ஏர்டெல் சார்பில் அனுப்பப்பட்டுள்ள குறுந்தகவலில் எக்ஸ்டிரீம் பிரீமியம் சந்தா 365 நாட்களுக்கு ஆக்டிவேட் செய்யப்பட்டு உள்ளதாக குறிப்பிடப்பட்டு இருக்கிறது. 

    ஏர்டெல் எக்ஸ்டிரீம் சந்தாவில் பயனர்களுக்கு ஆயிரத்திற்கும் மேற்பட்ட திரைப்படங்கள், தொலைகாட்சி நிகழ்ச்சிகள் மற்றும்  ஏர்டெல் எக்ஸ்டிரீம் ஸ்மார்ட் ஸ்டிக் மூலம் பல்வேறு தரவுகள் வழங்கப்படுகின்றன. இந்த சலுகை எக்ஸ்டிரீம் பாக்ஸ் அல்லது ஸ்மார்ட் ஸ்டிக் இல்லாத பயனர்களுக்கும் வழங்கப்பட்டு இருப்பதாக கூறப்படுகிறது. 

      ஏர்டெல் எக்ஸ்டிரீம்

    சில தினங்களுக்கு முன் ஏர்டெல் நிறுவனம் புதிய எக்ஸ்டிரீம் ஃபைபர் ஹோம் பிராட்பேண்ட் சேவையை பெறும் வாடிக்கையாளர்களுக்கு ஆயிரம் ஜிபி இலவச டேட்டா வழங்குவதாக அறிவித்தது. இந்த சலுகை தேர்வு செய்யப்பட்ட எக்ஸ்டிரீம் ஃபைபர் சலுகைகளில் குறுகிய காலக்கட்டத்திற்கு வழங்கப்படுவதாக அறிவிக்கப்பட்டது.

    இலவச டேட்டா அன்லிமிட்டெட் டேட்டா வழங்கும் சலுகைகள் மட்டுமின்றி பிரீபெயிட் சலுகைகளிலும் வழங்கப்படுகிறது. மேலும் ஆயிரம் ஜிபி இலவச டேட்டா ஆறு மாதம் வேலிடிட்டி கொண்டது ஆகும். இதன் சலுகை விலை ரூ. 799 முதல் துவங்குகிறது. இதில் 12 மாதங்களுக்கு அமேசான் பிரைம் சந்தா, ஏர்டெல் எக்ஸ்டிரீம் மற்றும் விண்க் மியூசிக் சேவை வழங்கப்படுகிறது.
    Next Story
    ×