ஹூவாயின் ஹானர் பிராண்டு இந்தியாவில் ஹானர் 9எக்ஸ் ப்ரோ ஸ்மார்ட்போனை அறிமுகம் செய்துள்ளது. முன்னதாக இதே ஸ்மார்ட்போன் சீன சந்தையில் அறிமுகம் செய்யப்பட்டது குறிப்பிடத்தக்கது.
சிறப்பம்சங்களை பொருத்தவரை ஹானர் 9எக்ஸ் ப்ரோ ஸ்மார்ட்போனில் FHD+ நோ-நாட்ச் எல்சிடி ஸ்கிரீன் வழங்கப்பட்டுள்ளது. இத்துடன் கிரின் 810 பிராசஸர், 6 ஜிபி ரேம், லிக்விட் கூலிங் தொழில்நுட்பம், ஆண்ட்ராய்டு 9 பை சார்ந்த EMIUI 9.1, ஹூவாய் மொபைல் சர்வீசஸ், ஹூவாய் ஆப்கேலரி ஆப் வழங்கப்பட்டுள்ளது.
கூகுள் சேவைகள் இல்லாததால், ஹானர் 9எக்ஸ் ப்ரோ மாடலில் ஹூவாய் பிரவுசர், ஹூவாய் கிளவுட், ஹூவாய் வீடியோ, ஹூவாய் மியூசிக், ஹூவாய் தீம்ஸ் மற்றும் இதர செயலிகள் வழங்கப்பட்டுள்ளன. புகைப்படங்களை எடுக்க 48 எம்பி பிரைமரி கேமரா, 8 எம்பி அல்ட்ரா வைடு கேமரா, 2 எம்பி டெப்த் சென்சார், 16 எம்பி பாப்-அப் செல்ஃபி கேமரா, பக்கவாட்டில் கைரேகை சென்சார், 4000 எம்ஏஹெச் பேட்டரி வழங்கப்பட்டுள்ளது.
ஹானர் 9எக்ஸ் ப்ரோ சிறப்பம்சங்கள்
- 6.59 இன்ச் 2340x1080 பிக்சல் FHD+ 19.5:9 2.5D வளைந்த கிளாஸ் டிஸ்ப்ளே
- ஆக்டா-கோர் கிரின் 810 பிராசஸர்
- ARM மாலி-G52 MP6 GPU
- 6 ஜிபி ரேம், 256 ஜிபி மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 9.0 (பை) மற்றும் EMUI 9.1.1, HMS
- டூயல் சிம்
- 48 எம்பி பிரைமரி கேமரா, எல்இடி ஃபிளாஷ், 1/2″ சென்சார், 0.8μm, f/1.8
- 8 எம்பி அல்ட்ரா வைடு சென்சார், f/2.4
- 2 எம்பி டெப்த் கேமரா, f/2.4
- 16 எம்பி செல்ஃபி கேமரா, f/2.2
- பக்கவாட்டில் கைரேகை சென்சார்
- டூயல் 4ஜி வோல்ட்இ, வைபை, ப்ளூடூத்
- யுஎஸ்பி டைப்-சி
- 4000 எம்ஏஹெச் பேட்டரி
- 10 வாட் சார்ஜிங்
ஹானர் 9எக்ஸ் ப்ரோ ஸ்மார்ட்போன் மிட்நைட் பிளாக் மற்றும் ஃபாண்டம் பிளாக் நிறங்களில் கிடைக்கிறது. இந்தியாவில் இதன் விலை ரூ. 17,999 என நிர்ணயம் செய்யப்பட்டுள்ளது. எனினும் ரூ. 3 ஆயிரம் தள்ளுபடி வழங்கப்படுவதால், முதல் விற்பனையின் போது ஹானர் 9எக்ஸ் ப்ரோ ரூ. 14,999 விலையில் விற்பனை செய்யப்படுகிறது. இதன் விற்பனை மே 21 மற்றும் மே 22 ஆம் தேதி நடைபெற இருக்கிறது.
