சியோமி நிறுவனத்தின் 108 எம்.பி. பிரைமரி கேமரா கொண்ட Mi நோட் 10 ஸ்மார்ட்போன் சமீபத்தில் அறிமுகம் செய்யப்பட்டது. சீனாவில் இந்த ஸ்மார்ட்போன் Mi சிசி9 ப்ரோ என்ற பெயரில் அறிமுகம் செய்யப்பட்டது. இதில் புகைப்படங்களை எடுக்க மொத்தம் ஐந்து கேமராக்கள் வழங்கப்பட்டன.
சர்வதேச சந்தையில் Mi நோட் 10 பெயரில் வெளியான சியோமி Mi சிசி9 ப்ரோ ஸ்மார்ட்போன் விரைவில் இந்தியாவில் அறிமுகம் செய்யப்பட இருப்பதாக தகவல் வெளியாகியுள்ளது. இதுவரை சியோமி நிறுவனம் போகோ எஃப்1 மற்றும் ரெட்மி கே20 ப்ரோ ஃபிளாக்ஷிப் ஸ்மார்ட்போன் மாடல்களை குறைந்த விலையில் அறிமுகம் செய்திருக்கிறது.
அந்த வரிசையில் Mi நோட் 10 ஸ்மார்ட்போன் இந்தியாவில் அறிமுகமாகும் பட்சத்தில் இது ஒன்பிளஸ் 7டி மற்றும் ரியல்மி எக்ஸ்2 ப்ரோ ஸ்மார்ட்போன்களுக்கு போட்டியாக இருக்கும். Mi நோட் 10 முழுமையான ஃபிளாக்ஷிப் ஸ்மார்ட்போன் இல்லை என்ற போதும், இதன் 108 எம்.பி. பிரைமரி கேமரா தனித்துவம் மிக்க அம்சமாக இருக்கிறது.
சியோமி Mi நோட் 10 ஸ்மார்ட்போனில் வழங்கப்பட்டுள்ள 108 எம்.பி. கேமரா, இதுவரை வெளியான ஸ்மார்ட்போன்களை விட அதிக ரெசல்யூஷன் கொண்டிருக்கிறது. 108 எம்.பி. சென்சாருடன் 12 எம்.பி. 1/2.6-இன்ச் 2PD சாம்சங் SAK2L3 சென்சார், f/2.0, 2x சூம், 8 எம்.பி. 1/3.6-சென்சார், f/2.0, டெலிபோட்டோ லென்ஸ், OIS, 5X ஆப்டிக்கல், 10X ஹைப்ரிட் மற்றும் 50X டிஜிட்டல் சூம், 20 எம்.பி. 1/2.8 இன்ச் சென்சார், f/2.2, 117 டிகிரி அல்ட்ரா வைடு லென்ஸ், 2 எம்.பி. f/2.4 அப்ரேச்சர், மேக்ரோ லென்ஸ் வழங்கப்பட்டுள்ளன.
மற்ற அம்சங்களை பொருத்தவரை Mi நோட் 10 ஸ்மார்ட்போனில் 6.47 இன்ச் ஃபுல் ஹெச்.டி. பிளஸ் வளைந்த AMOLED டிஸ்ப்ளே வழங்கப்பட்டுள்ளது.
இத்துடன் ஸ்னாப்டிராகன் 730 பிராசஸர், அதிகபட்சம் 8 ஜி.பி. ரேம், ஆண்ட்ராய்டு பை மற்றும் MIUI 11, 3டி கிளாஸ் பேக், என்.எஃப்.சி., 1சிசி லவுட் ஸ்பீக்கர், 3.5 எம்.எம். ஆடியோ ஜாக், 5260 எம்.ஏ.ஹெச். பேட்டரி மற்றும் 30 வாட் ஃபாஸ்ட் சார்ஜிங் வசதி வழங்கப்பட்டுள்ளது. இது ஸ்மார்ட்போனை 65 நிமிடங்களில் முழுமையாக சார்ஜ் செய்து விடும்.
