டீடெல் நிறுவனம் இந்தியாவில் 32 இன்ச் எல்.இ.டி. டி.வி..யை ரூ. 6,999 விலையில் அறிமுகம் செய்துள்ளது. புதிய எல்.இ.டி. டி.வி. சந்தையில் விற்பனையாகும் விலை குறைந்த 32 இன்ச் டி.வி. என்ற பெருமையை பெற்றிருக்கிறது.
கடந்த சில மாதங்களில் டி.வி. சந்தை அசுர வளர்ச்சி பெற்று வருகிறது. டீடெல் நிறுவனம் இதை பயன்படுத்திக் கொள்ளும் வகையில் புதிய டி.வி.யை 32 இன்ச் அளவில் இந்தியாவில் அறிமுகம் செய்துள்ளது.
டீடெல் நிறுவனத்தின் புதிய 32 இன்ச் ஸ்டார் டி.வி. அந்நிறுவன வலைத்தளம் மற்றும் செயலி மூலம் விற்பனை செய்யப்படுகிறது. இந்த டி.வி.யில் ஏ பிளஸ் கிரேடு பேனல் பயன்படுத்தப்பட்டுள்ளது. இந்த பேனல் 1280x720 பிக்சல் தரம் கொண்டிருக்கிறது. இத்துடன் ஹெச்.டி.எம்.ஐ. மற்றும் யு.எஸ்.பி. போர்ட்கள் வழங்கப்பட்டுள்ளன.
இத்துடன் இரண்டு 10 வாட் ஸ்பீக்கர்கள் வழங்கப்பட்டுள்ளன. இவற்றில் டால்பி டிஜிட்டல் சவுண்ட் தொழில்நுட்பத்திற்கான வசதியும் வழங்கப்பட்டிருக்கிறது. குறைந்த விலையில் டி.வி.க்களை அறிமுகம் செய்வதில் பெயர் பெற்ற டீடெல் நிறுவனம் ஃபீச்சர் போன் மாடல்களையும் குறைந்த விலையில் விற்பனை செய்கிறது.
முன்னதாக டீடெல் நிறுவனம் 17-இன்ச் எல்.இ.டி. டி.வி.யை ரூ. 3,699 விலையில் வெளியிட்டது. தற்சமயம் 32 இன்ச் ஸ்டார் எல்.இ.டி. டி.வி. மூலம் டீடெல் நிறுவனம் டி.வி. சந்தையில் புதிய புரட்சியை ஏற்படுத்த திட்டமிட்டிருப்பதாக தெரிகிறது.
